شعر ترکی آذربایجانی برای مشاعره با حروف الفبا - سئچیلمیش تورکی شعرلر | |||||||
|---|---|---|---|---|---|---|---|
| آ | ا | ب | پ | ث | ت | ج | چ |
| ح | خ | د | ذ | ر | ز | س | ش |
| ص | ض | ط | ظ | ع | غ | ف | ق |
| ک | گ | ل | ل | م | ن | ه | و ی |
آئینه جهان که جمالیندیر ای صنم،
هر بیبصر قجن گؤرر اول نوردن ضیا؟
مظفرالدین جهان شاه - حقیقی
آیۀ وّسیف قاشین دیر بو یوزدن دهر آرا،
ثابت ائیلر خلقه حقن ذوالفقار حیدری.
سید عظیم شیروانی
آیین جامالیندا قارا بیر لکه،
لاله‌نین کؤکسونده قارادیر بو سس.
بختیار وهاب‌زاده
همچنین نگاه کنید
خرید مرغوب ترین زعفران نگین - قیمت امروز زعفران در بازار رضا مشهد
••✾••
جنب بازار رضا پاساژ الزهرا زعفران سن سئون آذربایجان
┈┈••✾•
•✾••┈┈ 
┈┈••✾••✾••┈┈
بهترین شعر عاشقانه کوتاه برای عشقم
┈┈••✾••✾••┈┈ ┈┈••✾••✾••┈┈
آییردی یوسفی مندن برادران غیور،
بلای هجرده من زار و بیقرار اولدوم.
سید عظیم شیروانی
آییردی اول عزیزی ناگه اخوانین جفاسیندان،
او یوسف فرقتیندن هر گؤزوم بیر رود نیل اولدو.
سید عظیم شیروانی
آییرا بیلیرسن خئییردن شرّی،
منفعت مئیدانی سنینچین گئندیر.
بختیار وهاب‌زاده
آیو گون، ثابت و سیّاره تماشایه چیخیب،
مشتری دن او مهین گرمدی بازاری بو گون.
سید عظیم شیروانی
آیه‌ی رخسارینی معشوقه‌نین حرفا به حرف،
کاتب قدرت به لوح جان و دل تحریر ائدر.
مظفرالدین جهان شاه - حقیقی
آیه السبع المثانی معنی اسرارینی،
کاتب قدرت به لوح جان و دل تحریر ائدر.
مظفرالدین جهان شاه - حقیقی
آینه سئور جاندان رخسارۀ جانانی،
بیر غایته یئتمیش کیم، آیریلسا چیخار جانی.
ملا محمد بن سلیمان فضولی
آینایا باخاندا گؤردوم، ساققالیما دن دوشوبدی
من کی چوخ قوجالمامیشام، بیلمیرم ندن دوشوبدی
محمد حسین بهجت - شهریار
آیلیق آلدوق، ا وئردیک گئتدی نه یئیه ک، ای وای آتا ! بیلمه ییرم
ده ده میز یؤخ، کیمه چکمک باراتی کیمی سالماخ باراتا بیلمه ییرم
محمد حسین بهجت - شهریار
آیلی آخشاملاردا
تۆفنگین قونداغی اۆسته شئعر یازیب
بالاش آبی زاده - آذر اوغلو
آیلارا، ایللره، قرینه‌لره
بؤلونن تاریخین یولودور بو قول.
بختیار وهاب‌زاده
آیلار کئچر کی، شمع وصالینی بولمانیز،
بو ایل بیزی نه گونلره سالدی سیتاره میز.
علیجان قوسی تبریزی
آیریلیق نه یامان اولارمیش تبریز!
گزدیم آوروپانی، شرقی دولاندیم،
بالاش آبی زاده - آذر اوغلو
آیریلیق مۆصیبت، آیریلیق ظۆلوم!
بو فانی دۆنیایا ایندی، آی گۆلوم،
بختیار وهاب‌زاده
آیریلدی،
آیاق‌یالین، باشی‌آچیق اوینادیغی
بالاش آبی زاده - آذر اوغلو
آیدین اولسون گؤزلرینیز!
گلدی باهار گۆله-گۆله.
احمد جواد
آیت واللیل ساچین سانینه
خال و خطین فاتحه‌ی ربنّا،
مظفرالدین جهان شاه - حقیقی
آیت انا فتحنادن آچیلدی عشقه باب،
استوای عرش رحماندان بونو سبحان دئدی.
مظفرالدین جهان شاه - حقیقی
آیاقدان سالماییب مینای گردون مهلتین وئرسه،
یوز ایل ال باغلارام قوللوقدا ساقی، بیر آیاغ اوسته.
علیجان قوسی تبریزی
آیاقدا سۆرونور، باشدا تاج اولمور.
احتیاط گۆدنده یازدیم کؤنولسوز،
بختیار وهاب‌زاده
آیاق باسدیم ره امیده، سرگردانلیق ال وئردی،
امل سرشته سین توتدوم، الیمده اژدها گؤردوم.
ملا محمد بن سلیمان فضولی
آیاغین توزونا اوز سورمه یه وئرمز صبا رخصت،
اوزون یوز کره شبنم یوما دان، گلبرگ سیرابین.
ملا محمد بن سلیمان فضولی
آیاغین توپراغی‌نین قدرین نه بیلسین هر کیشی،
کون-فکان اول توپراغه کمتر بهادیر، یا نبی.
حبیبی
آیاغین باغلامیش آواره‌لرین صنعت ایله،
یوخ نهایت سر کویینده گزن رسوایه.
ملا محمد بن سلیمان فضولی
آیاغیمدان الیم فرق ائتمه نم ازبس کی، مستم من،
فغان کیم بؤیله منزیلده گرک رهرو اویاغ اولسون.
علیجان قوسی تبریزی
آیاغی دگمه‌ین بیر یئر قالمامیش.
ماسا آرخاسیندا کؤنلوم بیقرار –
بختیار وهاب‌زاده
آیاغی آلتیندا تورپاق گؤرمه‌دیم
آنادان اۆزونو چئویرنلرین.
بختیار وهاب‌زاده
آیاغ باشه چکیب باش آیاغینا قویارام،
گؤزون سبو کشییم، چکمنم خومار بو ایل.
علیجان قوسی تبریزی
آیا نه خطا سؤز سووشوب دیل دؤنوموندن
یول وئرمه‌دی اظهاره غبار وار باخیشیندا
حمیده رئیس‌زاده - سحر خانیم
آی یۆزوندن آیرو گؤردوم دیده‌ی-بی‌خوابیمی،
گؤگ یۆزینده اویماز اولدو هر گئجه سیّاره‌لر.
شاه اسماعیل صفوی - خطایی
آی یاخینلیقدان اوزاق
آی اؤزوم بویلو دوواق..
حمیده رئیس‌زاده - سحر خانیم
آی منیم ایلک یوللاریم،
کؤلگه‌سی بنؤوشه‌لی،
بختیار وهاب‌زاده
آی منیم ایلک بئشیگیم،
ایلک نفسیم، ایلک سؤزوم،
بختیار وهاب‌زاده
آی محبّت باده‌سین داشلاندیران من یورغونام
باشلانیب دم‌دن ناغیل باشلاندیران من یورغونام
حمیده رئیس‌زاده - سحر خانیم
آی گونش هاردا قالیب‌سان قاریشیر قیش یازیما
قصد ائدن یاغماغا کؤنلومده‌کی قاردیر دییه‌سن
حمیده رئیس‌زاده - سحر خانیم
آی گورنه عجب، معجزه دیرکیم، نئجه بیلمیش
بیر سونبول تر، آتش سوزان، آراسیندا
حئیران خانیم
آی فکره سیخیشمیان سیخیندیم ییه دور
فکر عالمینین گمان دوتان یول‌لارنیا
حمیده رئیس‌زاده - سحر خانیم
آی سوسوز کروان‌لارا کنعان شرابین بسله‌یه‌ن
آی زلیخا گؤزلریندن مصره یوسف آلدیران
یول آرا قویما قالیم
حمیده رئیس‌زاده - سحر خانیم
آی توتولسون، روزه ایامیندا گون دوشسون یئره
کیم، بو آی، گوندن بولوبدور مهربان ماهیم هلال.
ملا محمد بن سلیمان فضولی
آی بؤیورتکن کوللاریم،
هر دره‌دن، تپه‌دن
بختیار وهاب‌زاده
آی بابامین کوماسی،
الین بیزه چاتمادی.
بختیار وهاب‌زاده
آی آدامسیزلار جانیندان آهیله باش قالدیران
آی باخیش پیغمبرین حیرت گؤلونده دالدیران
حمیده رئیس‌زاده - سحر خانیم
آی آتامین کوماسی!..
اوچوق باریلاریندا
بختیار وهاب‌زاده
آواره دوشوب جنّت کوییندن او حور ون،
اؤز منزلیمی گؤز گؤره نار سقر ائتدیم.
سید عظیم شیروانی
آهینی، ای ماه، عشاقین یئتیرمه گؤگ لره،
درد اهلی نین نشان تیر آهی اولماغیل.
ملا محمد بن سلیمان فضولی
آهیم شراری مشتری چرخی یاندیرار،
اول آشنایه گر اولا، بیگانه مشتری.
سید عظیم شیروانی
آهیله یاندیردی منی فرقتین،
گل منه وصلیندن ایریشدیر دوا!
مظفرالدین جهان شاه - حقیقی
آه، بیلمم نئیلییم، قورتولماق اولماز قیددن،
من حریف ساده دل، خوبان جمالی دلفریب.
ملا محمد بن سلیمان فضولی
آه، بیلمم نئیلییم، جانیمدا راحت قالمادی،
گؤزلریم نمناک، سینم چاک، کؤنلوم دردناک.
ملا محمد بن سلیمان فضولی
آه...بو قانلی أللر... بو قانلی أللر... بو قانلی أللر
بو آغ- آپباغ، پامبیق کیمی یومشاق قانلی أللر...
رقیه کبیری
آه و ناله دمیدیرایله فغان، ای بولبول،
قالدی یوز خار بو گولشنده، گول تر گئتدی.
سید عظیم شیروانی
آه و فریادینی بو عاشق آشفته دلین،
قامتی سدره، لبی چشمه‌ی حیوانه دئدیم.
مظفرالدین جهان شاه - حقیقی
آه و فریادین، فضولی، اینجیدیبدیر عالمی،
کربلا عشق ایله خوشنود ایسن، غوغا نه‌دیر؟
ملا محمد بن سلیمان فضولی
آه کیم، سن گئتدین، ائی آی اۆزلو، جان قالدی مانا،
جان سنینله گئتدی، جیسم-ناتوان قالدی مانا.
شاه اسماعیل صفوی - خطایی
آه کیم، بیر دم فلک رأیمجه دوران ائتمدی،
وصل درمانیله دفع درد هجران ائتمه دی.
ملا محمد بن سلیمان فضولی
آه ائیله دیگیم سرو خرامانین ایچون دور،
قان آغیلادیغم غنچۀ خندانین ایچون دور.
ملا محمد بن سلیمان فضولی
آه ایدی همنفسیم، آه کی، اول هم آخر
چیخدی اکراه قیلیب کلبۀ احزانیمدان.
ملا محمد بن سلیمان فضولی
آنینچون اولموش آنین شربتی پاک
کی، حئیوان سوییلن یۆز تن نوادیر.
شاه اسماعیل صفوی - خطایی
آنین میراتینه باخ، حقی گؤر کیم،
کیم، اول آینه‌ی-گئیتی‌نومادیر.
شاه اسماعیل صفوی - خطایی
آنیب تنهالیغی قبر ایچره نفرت قیلما اؤلمک دن،
طریق انس توت کیم، هر اووج توپراق بیر آدم دیر.
ملا محمد بن سلیمان فضولی
آنونچون ایله‌مز آهی بو جانیم رهگوزارینده،
حرامیلر چاپارلار کاریوانی چۆن تۆتون گؤرگج.
شاه اسماعیل صفوی - خطایی
آنلایان بیر نقطه دن یوز مین کتاب آنلار سؤزوم -
کیم، کؤنول بیر قطره دیر، دریای عمان دیر خیال.
علیجان قوسی تبریزی
آنلادیم، اۆچونجو گؤز منیم کؤنول گؤزومدور.
او گؤز ایله باخاندا گئجه ده گۆندوزومدور،
بختیار وهاب‌زاده
آنلادیم کی، سن اؤلوبسن !
بیله بیلمییه هنوزدا
محمد حسین بهجت - شهریار
آنلادیم که، سن اولوبسن!
بیله بیلمیه هنوزدا
محمد حسین بهجت - شهریار
آند ایچیب سیّد عاشیقین اولدو،
مصحف حسنوه دوباره، قسم.
سید عظیم شیروانی
آند ایچرم، حاکیم اؤز اؤولادینا،
رۆشوتین ان یاخشی یولون گؤستریر.
بابا پنهان
آند ایچدیم کی، کؤنلوم سنسیز یاشاماز.
آغلار سنسیز، سینیق، او بیر تئللی ساز.
احمد جواد
آنجاق...
جۆربه‌جوردور، آخی، اوغرولار،
بختیار وهاب‌زاده
آنجاق... بیری ده وار... کور دئییلسه ده،
گؤزو گؤرمه‌ییر.
بختیار وهاب‌زاده
آنجاق... بلا اوندا، درد اوندادیر کی،
وظیفه خومان گؤزونو اؤرتن،
بختیار وهاب‌زاده
آنجاق یۆزون گؤرنده سنین جان دئگیل ملول،
زۆلفین کیمی کؤنول دخی برهمدورور مانا.
شاه اسماعیل صفوی - خطایی
آنجاق وطن چؤرگی،
بیر ده آنا اۆرگی
سیزلره قنیم اولسون.
بختیار وهاب‌زاده
آنجاق گؤیلره
دویونجا باخماغا ماجال تاپمادی.
بختیار وهاب‌زاده
آنجاق کیم بیلیر،
من نه زامان وطنداش اولاجاغام.
بالاش آبی زاده - آذر اوغلو
آنجاق سنی دۆشوننلر دئیه‌جک:
«او، غریبه خیصلت ایدی . . .»
بالاش آبی زاده - آذر اوغلو
آنجاق دئمیرلر کی، من یاشاییرکن،
او اؤز سینهسینی ماسایا گرمیش.
بختیار وهاب‌زاده
آنجاق دمبدم
کس‌دیلر سسینی آذربایجانین.
بختیار وهاب‌زاده
آنجاق داریلمادی، چالیشدی یئنه،
دردی، تاباقلادی، دردی اۆیوتدو.
بختیار وهاب‌زاده
آنجاق پیادانین، خبر - اترسیز
آلنیندا ایز آچدی گئتدیگی یوللار.
بختیار وهاب‌زاده
آنجاق پیادالار گؤردو دۆنیانی،
سرنیشین دۆنیادان خبرسیز اولدو.
بختیار وهاب‌زاده
آنجاق بیر مطلبی دئمه‌لی‌یم من:
سازیمدا عیبه‌جر سسلر اویدوران
بختیار وهاب‌زاده
آنجاق اؤزوم اؤزومله
باجارا بیلمیرم من،
بختیار وهاب‌زاده
آنجاق او مهین زلفو نه ایمان آلیر الدن،
آهو باخیشی، قاره گؤزو جان آلیر الدن.
سید عظیم شیروانی
آنجاق او بیلمه‌دی کی، من آنامدان دوغولدوم،
سنسه منیم قلبیمده بالامتک بسله‌دیگیم
بختیار وهاب‌زاده
آنجا یاش تؤکدی خطایی فیرقتیندن، ائی صنم،
خانجارو باخسام، گؤزومده یئر یۆزو سودور مانا.
شاه اسماعیل صفوی - خطایی
آنجا کیم، سئیر ائیله‌دیم، گزدیم وۆجودیم شهرینی،
میثل-بی‌همتا ایمیشسن، یا علی، سندن مدد.
شاه اسماعیل صفوی - خطایی
آنجا کؤوکب کیمی یاش تؤکدی غمینده گؤزلریم،
یئر ایله، گؤگ ایله کئیوان هم باخا قالدی مانا.
شاه اسماعیل صفوی - خطایی
آنجا چکدیم مؤحنت-هیجرین غمین، ائی بی‌وفا،
جؤر-عشقیندن وۆجودیم ناتوان اولموشدورور.
شاه اسماعیل صفوی - خطایی
آنبار اوغروسونو توتماغا نه وار؟..
دۆشوب آرخاسینجا بیر طۆفئیلی‌نین،
بختیار وهاب‌زاده
آنانین کیتابی! تاریخدن قدیم،
چیچکدن - تزه-تر، گؤیلردن درین.
بختیار وهاب‌زاده
آنامین یئرینه قالخدی باش‌داشی.
آنامین عوضی باش‌داشی اولدو،
بختیار وهاب‌زاده
آنامین یانیقلی لایلالاریندان
سۆزولدو روحوما آذربایجانیم.
بختیار وهاب‌زاده
آنامین کیتابی! - اوخودوم بیر ده،
بو گۆنوم دۆننله گلدی، گؤروشدو؛
بختیار وهاب‌زاده
آنامین کیتابی چاتدی ایمدادا،
دئدی: "اؤزونه باخ، ال آچما یادا؛
بختیار وهاب‌زاده
آنامیز بیردیرسه وطن ده بیردیر
نه آنا، نه وطن ایکی اولامماز.
بختیار وهاب‌زاده
آنامدان سوروشاق، او بیلر دئیه،
سنین اوتاغینا اۆز توتورام من.
بختیار وهاب‌زاده
آناما سُویله یین اُوغلون ییخیلیب سنگرده،
تِئللرین باس یاراما، قُویما منی قان آپارا.
محمد حسین بهجت - شهریار
آنام، یئددی گۆن،
بیزیمله برابر آغلار اوتاقلار.
بختیار وهاب‌زاده
آنام، هئچ کس سنی اینجیتمه‌میشدیر،
من سنی،
بختیار وهاب‌زاده
آنام، تاپشیریلدین آنا تورپاغا،
بو اؤلوم، سینه‌مه چکدی داغ منیم.
بختیار وهاب‌زاده
آنام ناماز اۆسته ال آچیب گؤیه
الله‌ا یالواریر "یا ربّیم!-دئیه:-
بختیار وهاب‌زاده
آنام قورویاردی منی بونلارلا
دۆنیانین هر جۆره بلالاریندان.
بختیار وهاب‌زاده
آنام بئشیگیمی ترپتمه‌ینده،
بیلردیم، کئشیکچیم یاتیب کئشیکده.
بختیار وهاب‌زاده
آنام اؤلدومو؟
نه تئز اللرینی اۆزدون دۆنیادان،
بختیار وهاب‌زاده
آنام اولسان بئله، آی آنام، خئیلی،
سندن گیلئیلی‌یم، سندن گیلئیلی...
بختیار وهاب‌زاده
آنا، قودوزلاشیر حیات، ایل‌به‌ایل،
دالاییر پوچ اولان اۆمیدلریمی.
بختیار وهاب‌زاده
آنا یارالی‌یسا، اوغول قانی‌یلا
اونون یارالاری یویولسون گرک.
بختیار وهاب‌زاده
آنا دیلیم، سنده‌دیر خالقین عقلی، حیکمتی،
عرب اوغلو مجنونون دردی سنده دیل آچمیش.
بختیار وهاب‌زاده
آنا دا سۆد وئرمیر، جیگرپاره‌‌سی
ناله‌لر قوپاریب آغلامایینجا.
بختیار وهاب‌زاده
آنا حیات وئریر اؤز اؤولادینا،
هم ده اؤز عؤمروندن عؤمور باغیشلار.
بختیار وهاب‌زاده
آنا اۆمید اولدو دوغما اؤولادا،
اؤولاد بئل باغلادی یادلارا یالنیز.
بختیار وهاب‌زاده
آنا اویناشیمی غیرت گوزی گورسه کور اولور
من نه گوزله گوره بیللم وطن اویناشلاریمی
محمد حسین بهجت - شهریار
آنا ! اوغلون شهید اولدی مبارک
شهادتله سعید اولدی، مبارک
محمد حسین بهجت - شهریار
آمما
«قادین گولرسه، دونیا گولر» دئمیش‌لر
رقیه کبیری
آمما بختین یاتاندا
قوهوم قارداش یاد اولار
محمد حسین بهجت - شهریار
آمما اونون شماتتی آللاها خوش گلمیوبن
گئتدی منیم حیاتیمی ووردی داشا چیخدی باشا
محمد حسین بهجت - شهریار
آماندیر، اؤزوندن یول اویدورما سن!
یئنیلیک خطرینه یازماقدان ساکین!
بختیار وهاب‌زاده
آماندی چوخ یوبانارسان یانار نه‌وار واردا
الولانار گینه‌ده کولله‌نن کؤزوم تئزگل
حمیده رئیس‌زاده - سحر خانیم
آمان قوشلار، من یانیلدیم،
سیزده اۆرک نور پارچاسی،
احمد جواد
آمان قوشلار، بیلمم نه وار
بو مزارلیق عالمینده،
احمد جواد
آمان آللاه یِئنه شیطان گلیب ایمان آپارا،
قُورویون قُویمایون ایمانوزی شیطان آپارا.
محمد حسین بهجت - شهریار
آما هر کاغاز یازاندا
آقامین گوزی دولاردی
محمد حسین بهجت - شهریار
آما هر کاغاذ یازاندا
آقامین گؤزو دولاردی
محمد حسین بهجت - شهریار
آلینیب اگرچی گؤرسن، نه‌یی وار تامام الیندن،
یئری داش قفسدی دامدیر، بو آدام بیزیم آدامدیر.
بابا پنهان
آلیشیر جانیم نیه بیلمیرم، کیمه وورغونام دییه بیلمیرم
گینه توز دونون گئیه بیلمیرم، سویونور جانیم یارا اۆز قویام
حمیده رئیس‌زاده - سحر خانیم
آلیشیب، شعله چکیب سوز ایله یاندیم، گؤردوم،
هجروی آتش نیران دئدی لر، گئرچک ایمیش.
سید عظیم شیروانی
آلیشیب یانیرسان سن اؤز تۆستونه،
نیدالار گؤزونده سوالا دؤنور.
بختیار وهاب‌زاده
آلیشمیشدیر اورک‌ده بیر قرارسیزلیق خیالیندان
الولار باش قویوب رسوالیغا سۆندورمیه‌ن سنسن
حمیده رئیس‌زاده - سحر خانیم
آلیشدیم اودلارا، آلدیم دل دیوانه دن آتش،
دوشوبدور عالم امکانه بو کاشانه دن آتش.
سید عظیم شیروانی
آلیبدی یاغی گؤزون اختیاریمی الدن،
فدا اولوم، بئله بی اختیار قویما منی.
سید عظیم شیروانی
آلیبدی عقلیمی سردن، قراریمی دیلدن،
ائدیب بلایه فلک، گؤر نئجه حواله منی.
خورشید بانو ناتوان
آلیب قراریمی، گل بیقرار قویما منی،
شکسته خاطر و بی غمگسار قویما منی.
سید عظیم شیروانی
آلیب دیر جانیمی هیجران، اولوبدور گؤزلریم گریان،
او مهوش، نارنین جانان، نه اوچون گلمز، نه اوچون گلمز؟
خورشید بانو ناتوان
آلووو شعریمدیر، کۆلو گؤرونمور.
حئیرانام توخوما، حئیرانام توما،
بختیار وهاب‌زاده
آلمیسان عقلیمی سردن منیم ای آفت جان
قدیمی مئحنت هجرینده کمان ایلمیسن
حئیران خانیم
آلمامیش آب دو چشم ایله وضو عاشیق زار،
باخا بیلمز اوزوه، ای اوزو رشک مصحف!
سید عظیم شیروانی
آلمادی تربیتین پیر مغانین سیّد،
جوهری ناقص اولان قابل ارشاد اولومو؟
سید عظیم شیروانی
آللاهوندان سن اگر قوخمیوب اولسان ترسا
قورخورام منده دونوب دین مسیحایه گلیم
محمد حسین بهجت - شهریار
آللاه‌دئین اولدو، دئییلن‌لر بوشا چیخدی،
یئرسیز هده قورخو قورو بارماقلارا قالدی.
بابا پنهان
آللاه! بیلیریک جیسم دئییل، بس ندیر آللاه؟
ان یوکسک اولان حاقدا، حقیقت ده یر آللاه.
بختیار وهاب‌زاده
آلدیم سنی جان نقدینه، ای یوسف ثانی،
عشقینده زولیخای دل افکار من اولدوم.
سید عظیم شیروانی
آلدی مندن عاقبت جان نقدین اول عیّار گؤز،
ظالم و خونریز مژگان، کافر خونخوار گؤز.
علیجان قوسی تبریزی
آلدی عقل و هوشوی شوق دهانی دلبرین،
گئتدی الدن یوخ یئره مجموع وارین، ای کؤنول.
سید عظیم شیروانی
آلدی دیوانه کؤنول دامن مجنونو اله،
وادیی عشقده بیر مرشید رهبر تاپدی.
سید عظیم شیروانی
آلدی پنهانی دهانین هر نه کیم، وار ایدی یوخ،
آچماق اولماز سرّینی، مشکلدو احباب اوغروسو.
سید عظیم شیروانی
آلدی اؤز کؤکونو بئشیگیمیزدن
اۆزئییر نغمه‌سی، فۆضولی شعری.
بختیار وهاب‌زاده
آلتین مدنیدیر بو یوخسول اؤلکه!
نه‌یین سالدیرمیشدی او غربی تۆرکه؟
احمد جواد
آلاندا دستینه اول شوخ گولعذار قلم،
الیندن اولماغینی ایسته مز کنار قلم.
سید عظیم شیروانی
آلار اول ایمانی، سونداندا جانی
نه ایمان قالار دیبده نه جان الیندن
محمد حسین بهجت - شهریار
آلا گر اوخلارینی دیده لریمدن، ای دل،
حیف دیر، اولمایا ناگه ایته مژگان ایچره.
ملا محمد بن سلیمان فضولی
آلا قارغا شوخ ترلانی به‌ینمز.
اوغوللار آتانی، قیزلار آنانی،
بختیار وهاب‌زاده
آل منی بیر باخیشا اصلی بازار دنیادن
مستحق‌دیر دئیه احسان ائله باخ ساخلامنی
حمیده رئیس‌زاده - سحر خانیم
آل ائیله‌دی، فتنه قیلدی عینین،
اول فتنه‌لو عین و آله تحسین.
مظفرالدین جهان شاه - حقیقی
آل ایلن اول قارا گؤزون غمزه‌سی دلدی باغریمی،
دور زمانه فتنه‌سی یاخدی منی بو آلیله
مظفرالدین جهان شاه - حقیقی
آل امیّه ائیله‌مسون دینی ملعبه
عالمده مُلک دینه نگهباندی قارداشیم
سیدرضا حسینی - سعدی زمان
آل الیندن آیاغی، قوی آیاغیندا باشونی،
ساقی‌یی-زؤهره-جبین، گۆن یۆزلی مه‌سیما گلور.
حبیبی
آفرین، ای جام، کیم، سیلدین کؤنول آینه سین،
خاطر پاکیمده دنیانین ملالی قالمادی.
ملا محمد بن سلیمان فضولی
آفرین جوهر مقبولینه کیم، عالمده
ممکن اولماز بو صفات ایله کی، سن سن بیر ذات.
ملا محمد بن سلیمان فضولی
آفتآبیارضین دیر آسمان فکریمین،
لعلی وصف لب لرین دیر طبع دور افشانیمین.
سید عظیم شیروانی
آفتاب طلعتین توتدوقجا اوج ارتفاع،
قیل اهل عشقه تیغ غمزه دیر اوندان شعاع.
ملا محمد بن سلیمان فضولی
آفتاب صورتین زلف پریشانیندادیر،
شول جهتدن روشن اولموشدور سیاهی کؤنلومون.
مظفرالدین جهان شاه - حقیقی
آفاقی توتدو عشوه و حسنون ملاحتی،
اول فتنه دن که مردم آلنیندادیر سنین.
مظفرالدین جهان شاه - حقیقی
آغیلار چاغیرسین بو گۆن قیز، گلین!..
بختیار وهاب‌زاده
آغیر دویغولاریمدان
داشیدیغیم یۆکو سن.
بختیار وهاب‌زاده
آغوش ون اوچون بس کی، قولوم آچیلا قالدی،
کافر، منی بیر شکل چلیپا ائله دین سن.
سید عظیم شیروانی
آغلاییب داغلاردان اسن کۆلکلر،
بو مشوم خبری عالمه یای‌دی.
بختیار وهاب‌زاده
آغلایار بو درده داغ دا، اؤروش ده
تاپیلار یئنه ده قینایان بیزی.
بختیار وهاب‌زاده
آغلایا-آغلایا گۆلدوک، سئویندیک.
آنابیر، آتابیر قارداش!.. درده باخ،
بختیار وهاب‌زاده
آغلایا-آغلایا گلدیم دۆنیایا،
دۆنیادان گئدنده
بالاش آبی زاده - آذر اوغلو
آغلاسان، هؤنکور آغلا، گۆلسن، قهقهه چک، گۆل.
گۆلسن ده، آغلاسان دا تامام دویسون قوی کؤنول.
بختیار وهاب‌زاده
آغلارام اول قدر کی، غرق اولوسان،
لوجۀ چشم اشکباره قسم.
سید عظیم شیروانی
آغلادیم، سسیمدن قورخدوم،
آغلادیم اؤزوم-اؤزومدن قورخدوم.
بالاش آبی زاده - آذر اوغلو
آغلادیم آیاقلاریمی یئره دؤیه-دؤیه،
آغلادیم، بو دۆنیایا گلدیم نیه؟
بالاش آبی زاده - آذر اوغلو
آغلادیق هم آشکار، هم خیسین-خیسین
سنی گؤرمه‌میشدن
بختیار وهاب‌زاده
آغلاتدی هجر گلشن وصلین حقیقینی،
خوناب دل بولاشدی چمن اوزره ژاله‌یه.
مظفرالدین جهان شاه - حقیقی
آغلا گیزلی-گیزلی، قان، آشکار-آشکار؟
کنده سس دۆشمه‌سه ایتلر هۆروشمز،
بختیار وهاب‌زاده
آغلا سو سپ جنازه سینه، یاندی قارداشیم
سیدرضا حسینی - سعدی زمان
آغل-قارالی گۆنلریمیز اولوب
ایکیمیز بیلمیشیک.
بالاش آبی زاده - آذر اوغلو
آغزینی غنچه‌ی خندان دئدیلر گرچک ایمیش،
خط رخسارینی ریحان دئدیلر گرچک ایمیش.
مظفرالدین جهان شاه - حقیقی
آغزینا و میانینه هر نئجه کیم باخیم دئدیم:
ذرّه‌جه ایرمه‌دی منیم عقلیم اونون خیالینه.
مظفرالدین جهان شاه - حقیقی
آغزین مباهی سینده نفی وجود ائدن لر،
گفتاره گل کی، گؤرسون اثباتینا دلایل.
سید عظیم شیروانی
آغزین خیالی ائتدی وجودوم عدم، منیم
یوخ اؤزگه بیر غمیم، بو سؤزون آشکاره سی!
سید عظیم شیروانی
آغزین چو میم و زلف و قاشین نون و دال ایمیش،
کؤنلوم همیشه اول میم و دالیندادیر سنین.
مظفرالدین جهان شاه - حقیقی
آغری‌سی قلبینده گرک گؤینه‌‌سین!
ان بؤیوک دریانین بیردیر ساحیلی،
بختیار وهاب‌زاده
آغاز اولفتیمده گؤره ن لطف و یاردن،
ایندی رقیب ایله گؤرورم آشکاره من.
سید عظیم شیروانی
آغارمیش ساچیما سن باخما بئله،
یازدا چیچکلنر آرمود آغاجی.
بالاش آبی زاده - آذر اوغلو
آغاج هر آتشه آلیشان اولور،
بو نیه آلیشمیر بئله بیر اودا؟
بختیار وهاب‌زاده
آغ گورچین، نه روادیر که ایشیقلیق، قوشی سن تک
یاتا بایقوش یوواسیندا قالا خفاش آراسیندا
محمد حسین بهجت - شهریار
آغ ساچلی بابالارین عقلیندن، کمالیندان،
دۆشمن اۆستونه جومان او قیراتین نالیندان
بختیار وهاب‌زاده
آغ بادام چیچگی آغ اؤرپگیندی.
دیللر ده گزیردی آدین، هۆنرین،
بالاش آبی زاده - آذر اوغلو
آصف مثال قدر سلیمانی بیلمه‌ین،
اولدو گدا و حضرت سلطانه یئتمه‌دی.
مظفرالدین جهان شاه - حقیقی
آشیلمایان سیرتی، داغی،
اونون اۆچون ان دهشتلی بیر عذابدی،
بختیار وهاب‌زاده
آشیغین سازین‌دا داها بیر هزین،
داها بیر یانیقلی پرده یاران‌دی.
بختیار وهاب‌زاده
آشیان مرغ دل زلف پریشانیندا دیر،
قاندا اولسام، ای پری، کؤنلوم سنین یانیندا دیر.
ملا محمد بن سلیمان فضولی
آشیان تنده مرغ روحه ائتمن تربیت،
اولماسا پروانه تک شمع جمالین صدقه سی.
ملا محمد بن سلیمان فضولی
آشیان تا روضۀ کویینده توتدی مرغ دل،
کئچدی طوف کعبه دن، اوچماغه پروا ائتمه دی.
ملا محمد بن سلیمان فضولی
آشفته لیگیم زلف سیه تاری بیلیرمی؟
یا رب، گؤره سن درد دلیم تاری بیلیرمی؟
سید عظیم شیروانی
آشفته زلف و خال و رخی، چشم و غمزه‌سی،
قیلدی منی عتاب ایله از خویش بیخبر.
مظفرالدین جهان شاه - حقیقی
آشفته اولوب کاکیل ابروی کجین توتدو،
ماه ایدی بو عید اوچون ابر ایچره نهان اولدو.
سید عظیم شیروانی
آش ایچنده علما آز قالیر اودسون قاشیقندا
نیلسون شک ائلیوب قاشیقلن آش آراسیندا
محمد حسین بهجت - شهریار
آسیلیب گؤز یاشی آخیدیر مودام.
من بو گؤز یاشی‌یلا اۆلفت توتموشام.
بالاش آبی زاده - آذر اوغلو
آسیتانین خاکینی وئرمن جمیع-عالمه،
هر آیاغین توپراغی مۆلک-سلیماندیر مانا.
شاه اسماعیل صفوی - خطایی
آسیتانن ایتینه ایسته ییرم همدم اولام،
ماشاللاه، نه گؤزل رتبه و جاه ایسته ییرم!
سید عظیم شیروانی
آسوده طیفیلدین، نه غمین واردی، نه دردین،
دردیمله سنین گؤزلرینی سۆرمه‌له‌دیم من.
بختیار وهاب‌زاده
آسوده اولا بیر نئچه گون نازلی نگاریم،
الماس باسیب باغریما وضع نظر ائتدیم.
سید عظیم شیروانی
آسمان آلدی کناریمدان آی اوزلو یاریمی
یاش توکر اولدوز کیمی بو چشم خون‌باریم منیم
محمد حسین بهجت - شهریار
آسلان یالوارارمی قورخاق تۆلکویه؟
گۆنش سیغینارمی قارا کؤلگه‌یه؟
بالاش آبی زاده - آذر اوغلو
آسان دیر او غم کی، اولا غمخواری جاهاندا،
شادم کی، علاج غم دشوار تاپیلدی.
سید عظیم شیروانی
آزمادان، یولدان چیخمادان بیرینجی چایی اؤز آغزیملا ایچیرکن
پاپروزون توستو حالقالارینا دالیرام
رقیه کبیری
آزجا آشیم، آغریماز باشیم-دئینلر ده وار.
کدرده‌کی نشئه‌نی، ذؤقو آنلامایانلار
بختیار وهاب‌زاده
آزاده‌لرین کؤنلون جمع ائتمیش ایکن غفلت،
تپرتمه صبا، بالله، اول زلف پریشانی.
ملا محمد بن سلیمان فضولی
آزادلیق اوچور، اوچور،
قوشون سرحد بیلمه‌ین
بختیار وهاب‌زاده
آزادلیغین تشبیه‌ی،
یاشاییر قوش آدیندا.
بختیار وهاب‌زاده
آزادلیغیم - اؤز معنوی دۆنیام منیم.
اؤز ایچیمده، اؤز دۆنیامدا
بختیار وهاب‌زاده
آزاد قوی اوغول عشقی طبیعتده بولونسون
داغ – داشدا دوغولموش ده لی جیران حمیل اولماز
محمد حسین بهجت - شهریار
آز قالیب شعله چکیب عشق اودونا یانه کونول
جان فدا ایله گیلن اول شه مردانه کونول
حئیران خانیم
آز عؤموردن واخت اوغورلانیر،
اینام اوغورلانیر، عصب کورلانیر...
بختیار وهاب‌زاده
آز دیروبدور گل یوزون بلبللری گلزاردن
سنبلون ریحان خطین توپراغه یکسان ایلمیش
میرزا محمد علی صائب تبریزی
آز ائیله‌مه کل عنایتینی اهل درددن،
یعنی کی، چوخ بلا لره قیل مبتلا منی!
ملا محمد بن سلیمان فضولی
آریلیق، بالله، سئورمن من سنی، ائی دیلروبا،
تا تمامی سئومیشم، بوسو کناریم یوخدورور.
شاه اسماعیل صفوی - خطایی
آروزی وصل جانان، جانه آفت دیر، کؤنول،
یا تعلق جاندان اوز، یا وصل جاناندان طمع.
ملا محمد بن سلیمان فضولی
آره دن، ای شمع، چیخ بیر گوشه توت، کیم، بو گئجه
بزم بیر خورشید طلعتدن منوردیر مانا.
ملا محمد بن سلیمان فضولی
آرزومو تاپماغا اۆمیدیم اولسا،
منزیل باشیندایام، یولا چیخمادان.
بختیار وهاب‌زاده
آرزومند وصالین دیر فضولی خسته دل،
وصلین ایستر، دولت دیدارین ائیلر آرزو.
ملا محمد بن سلیمان فضولی
آرزولاریم توتدو اللریمدن
بیر گۆن توخ اولدوم،
بالاش آبی زاده - آذر اوغلو
آرزولار سیغیشمیر اونون یولونا،
سندن اوزاقلاشیر یئریدیکجه سن.
بختیار وهاب‌زاده
آرزو جلگه لرینده بیز اکن مزرعه لر
دئییه سن ساقه لنیب قوی هله سنبللنسین
محمد حسین بهجت - شهریار
آرزو ائیلر کی، من تک متصل بیمار اولا،
کیم کی، وصل نرگس بیمارین ائیلر آرزو.
ملا محمد بن سلیمان فضولی
آرخینی گل سئلیمه بند ائله‌مه،
بو، قان داعواسیدیر، بو، قان داعواسی.
بختیار وهاب‌زاده
آرخامجا قه-قه چکیب
منه گۆلن دوستلاریم،
بختیار وهاب‌زاده
آرخاسیندا نه‌لر وار،
نئچه اگیلمه‌لر وار.
بختیار وهاب‌زاده
آرخاسی اۆستونه چئویرین منی.
یئرینی سالدیلار گؤی چمن اۆسته.
بختیار وهاب‌زاده
آرخادا قالدی کؤرپه‌لیک ایللریم،
بئشیک یئریم، قونداق یئریم ...
بالاش آبی زاده - آذر اوغلو
آرخادا بوراخدیغیمیز یوز ایلی دوشونورم
«دالّ» دا قادین‌دیر، «مدلول» دا
رقیه کبیری
آرتیق سنین اۆچون دایانان زامان
منیمچون دولانیر...
بختیار وهاب‌زاده
آرتیریر ایام هجرانین سرشکیم حددتین،
مدت ایام مئی کیفیتین ائیلر فزون.
ملا محمد بن سلیمان فضولی
آرتیران سؤز قدرینی صدقیله قدرین آرتیرار،
کیم نه مقدار اولسا، اهلین ائیلر اول مقدار سؤز.
ملا محمد بن سلیمان فضولی
آرتوق ایلر باده صافی منیم ویرانلیغیم
درد ایلن تعمیر قیل ساقی پوزولموش کونلومی
میرزا محمد علی صائب تبریزی
آرتورور گرد معاصینی قورو استغفار
بو زمین گیر توزینی اشک ندامتله سیلین
میرزا محمد علی صائب تبریزی
آراییب، آختاریب منی تاپمیسان،
بونو بیر دۆنیایا دگیشمز اینسان.
بالاش آبی زاده - آذر اوغلو
آرامیزدا دنیز وار،
نه یول، نه ده ایز وار.
بالاش آبی زاده - آذر اوغلو
آراز آچیغیندان، کۆر توپوغوندان.
هئچ دئمه، دۆنیادا دۆنیادا کنار
زامانین چؤلونده یاشایان دا وار...
بختیار وهاب‌زاده
آرادان کئچدی ایللر،
چارین سؤندو چیراغی.
احمد جواد
آرادان بیرده بیزی بُؤلسه‌لر اربابلاریمیز،
قورخورام قُویمیالار تبریزی، تهران آپارا.
محمد حسین بهجت - شهریار
آرادا-بره‌ده گؤرورسن تئز-تئز،
دئییرلر: "نه چوخدور شاعیرلریمیز،
بختیار وهاب‌زاده
آذربایجان اوغلویام،
یاشیم آدیمدان قدیم.
بختیار وهاب‌زاده
آذربایجان اوغلویام،
اودو الله سانمیشام.
بختیار وهاب‌زاده
آذر قوشونو، قیصر رومی اسیر ائتمیش
کسری سؤزودور بیر بئله تاریخ ناغیل اولماز
محمد حسین بهجت - شهریار
آذر اؤولادی‌نی آیاقدان سالماز.
فقط اونوتماسین، دئیین، آغالار،
بالاش آبی زاده - آذر اوغلو
آدین قربانی، تا یئتدیم سنه، توحیده یئتدیم من،
آتیب تسبیحی الدن، ترک قیلدیم تار زنّاری.
سید عظیم شیروانی
آدین فداسی اولوم، هیچ گؤر روادیرمی
کی، امّتیندن اولا ختم انبیا غافل.
سید عظیم شیروانی
آدین دیر زر و نافع، ای نگاریم،
گهی عشاقه سود و گه زیانسان.
سید عظیم شیروانی
آدیم دوغدو هۆنردن
هۆنریم، آدیم اولدو.
بختیار وهاب‌زاده
آدی باتمیش اجل گلنده بیزه
من آییم چیخدی گونده باتمیشدی
محمد حسین بهجت - شهریار
آدمی نؤعینده میثلین گؤرمه‌دی دؤوری-فلک،
شول جهتدن گر سانا خیرالبشر دئرسم، نولا؟
عمادالدین نسیمی
آدمی دن چوخ اولور ظاهر پریوش لر، ولی
آز اولور واقع پریوش لرده سن تک آدمی.
ملا محمد بن سلیمان فضولی
آدمی اولدور کی، آندا حۆسن-خۆلق و لۆطف اولا،
آدمی دئمه آنی کیم، جوبّه و دستار مست.
شاه اسماعیل صفوی - خطایی
آدم ندور که ایچمیه سون ویردو گون شراب
ویرسن اگر فرشته یی می، بی گمان ایچر
میرزا محمد علی صائب تبریزی
آدم ایدیم، قرب درگاهیندا بولموشدوم قبول،
منزل جنّت، مئییم کوثر، انیسیم حور ایدی.
ملا محمد بن سلیمان فضولی
آدم اول سر کویین وئریب آلمیش جنّت،
ائشیدیب طعن ملک، سونرا پشیمان اولموش.
ملا محمد بن سلیمان فضولی
آددیملایا-آددیملایا من ایللری،
یول گئدیرم
بختیار وهاب‌زاده
آددیم-آددیم ماهنی اولدون آیریلیق دان سؤیله‌دین
سانمادین عاشیقلرین قوینوندا غمدن ساز یانا
حمیده رئیس‌زاده - سحر خانیم
آدام وار کی، عؤمرو بویو
دوداقلاری تبسّوملو
بختیار وهاب‌زاده
آخیرتی اولانلارین، دونیاسی غم سیز اولمویوب
سئل دی گلر آخار کئچر، آمما گرک آشیب – داشا
محمد حسین بهجت - شهریار
آخیر قلمیمدن، آخیر صۆبحه‌جن.
اۆرگیم ایلهاملا، سؤزله دولاندا
بختیار وهاب‌زاده
آخیر زماندی بیر قولاق آس عرشی تیتره دیر
ملت لرین هارای، مددی، الامان سسی
محمد حسین بهجت - شهریار
آخیدیب گؤزون‌دن یاش گیله-گیله،
بو دهشتلی حالا نه دئییر وطن؟
بختیار وهاب‌زاده
آخیتدیم گؤزومده یاش گیله-گیله.
نه ائتمک طالعیین حؤکمو بئله‌یمیش،
بالاش آبی زاده - آذر اوغلو
آخیب لئیسان کیمی گؤزومون یاشی،
نه‌لر چکدیرمه‌میش منه بو عالم.
بالاش آبی زاده - آذر اوغلو
آخی، کیم بو حاقی وئرمیش‌دیر سیزه،
سیزی کیم چاغیرمیش وطنیمیزه؟
بختیار وهاب‌زاده
آخی، بو اؤلکنین اؤز صاحبی وار.
سیز نه یازیرسینیز بایاق‌دان بری،-
بختیار وهاب‌زاده
آخی، او یئرلرده آیاق ایزیم وار.
هاردادیر، لیلاوا، اهراب، مارالان؟
بالاش آبی زاده - آذر اوغلو
آخی دنیا نی آتارکن
ایکیمیز شیرین یاتاردیق
محمد حسین بهجت - شهریار
آخشامی دا، سحری ده،
سئوینجی ده، کدری ده...
بختیار وهاب‌زاده
آخشاملار خیالیم گزیر هر یئری
دۆنیانی سیغدیریب دار اوتاغیما.
بختیار وهاب‌زاده
آخشاملادیق بیر دفعه،
ریون چایی بویوندا؛
احمد جواد
آخشام غۆروبوندا
شفقلری اۆفوقه دۆشوردو.
بالاش آبی زاده - آذر اوغلو
آخر دهر نه ممکندو فنادن غیری،
کیمسه باقی دئگیل عالمده خدادن غیری.
سید عظیم شیروانی
آخ، سرت اۆزلو قاپیلار،
ایکی اۆزلو قاپیلار
بختیار وهاب‌زاده
آخ... بو گئجه یوخو قاپ قارا بیر کپنک‌دیر،
باشیمدا قاناد چالیر
رقیه کبیری
آخ گئجه‌لر یاتمامیشام
من سنه لای لای دئمیشم
محمد حسین بهجت - شهریار
آچیلیر کؤنلوم گهی کیم، گریۀ تلخیم گؤروب،
آچار اول گلرخ تبسّم بیرله لعل نوشخند.
ملا محمد بن سلیمان فضولی
آچیلدی نرگس و لاله توتوبدور یاسمن چادر
سویودلر ارغوان تیتره ر، قمیشلر یئتدی انهاره
عمادالدین نسیمی
آچیلدی گیرمگه غم، جان ائوینه روزن لر،
چکنده اوخلارینی جسم ناتوانیمدن.
ملا محمد بن سلیمان فضولی
آچیلدی قولاج-قولاج،
تؤکولدو مرمر چیینلرینه
بالاش آبی زاده - آذر اوغلو
آچیلدی زر خس و خارین دیلی، فغان کی، هنوز،
بو بولبولون دیلینی جوش نوبهار آچماز.
علیجان قوسی تبریزی
آچیلدی در مسجید، جمع اولدو ریا اهلی،
باغلاندی سر مینا، غمدن خفقان اولدو.
سید عظیم شیروانی
آچیق سینهسینی وئریب قاباغا،
یالین آیاغی‌یلا اودلو تورپاغا
بالاش آبی زاده - آذر اوغلو
آچیب‌لار بند یندیندن علایق رشته‌سین بیربیر
چکیب‌لر اردبیل دیوانه‌سین زنجیره تبریزده
حمیده رئیس‌زاده - سحر خانیم
آچیبان حال قاپیسین
ائله غرق ائتدی عبادت ده
حمیده رئیس‌زاده - سحر خانیم
آچیب نطق، ایله سین یوخ دان تکلم،
تنیمده بیر نفس تا وار گلسین.
سید عظیم شیروانی
آچمیشام قوللاری خلقیمه اوزوک حلقه سی تک
سالمیشام حلقه یه قیمتلی اوزوک قاشلاریمی
محمد حسین بهجت - شهریار
آچمیشام قرنمیزین باغلی قالان یوللارینی
تاپمیشام یوز سنه غربتده کی یولداشلاریمی
محمد حسین بهجت - شهریار
آچمیش زبان حالین اثبات ذات حقه،
هر برگ سوسن اولموش بیر معرفت کتابی.
سید عظیم شیروانی
آچماگیل آغزین گورنده خال مشکین دانه سی
اگمه باش پرگار تک هر نقطه یه دوران ایچون
میرزا محمد علی صائب تبریزی
آچمادی کؤنلوم فلک، تا باغریمی قان ائتمه دی،
قیلمادی خرم منی، تا زار و گریان ائتمه دی.
ملا محمد بن سلیمان فضولی
آچما کاکیل گرهین، باشین ایچون گؤرمه روا
کی، پریشان اولالار، بیر نئچه سرگردانلار.
ملا محمد بن سلیمان فضولی
آچاندا گوزلرین آلیر بو جانی یاتاندا فتنه دورانه بنزر
باخاندا نازیله تیر نیگاهین کونولده خنجر بررانه بنزر
حئیران خانیم
آچاق یول کربلایه، کاظمینه
چکک آغوشه او شش گوشه قبری
محمد حسین بهجت - شهریار
آچاریم دین-محمّد، مذهب-جعفر یقین،
لا فتی الّا علی، بو سیرّ-پۆنهان منده‌دیر.
شاه اسماعیل صفوی - خطایی
آچار سالمیر سئوال اولگوج‌لریم چوخداندی سرّ ایچره
گئچیر سایمازیانا مندن اوزاق کؤنلومده راز اوینور
حمیده رئیس‌زاده - سحر خانیم
آجیتدی منی، آجی سؤزون، تند نگاهین،
ای نخل ملاحت، نه بلالی ثمرین وار!
ملا محمد بن سلیمان فضولی
آجی دونیانی آتارکن
ایکیمیز شیرین یاتاردیق
محمد حسین بهجت - شهریار
آجی آغیز یئی بیلیر قند مکرر لذتین،
ائتمه سین مندن دریغ اول لب شکّربار سؤز.
علیجان قوسی تبریزی
آج گؤز یئدیکجه آجار،
دیلنچی‌یه ال آچار،
بختیار وهاب‌زاده
آتما گئچمیش سایلیم حال‌دا قوناخ ساخلامنی
اویغو بیدادینا تاپشیرما اویاخ ساخلا منی
حمیده رئیس‌زاده - سحر خانیم
آتلارینی داشلیغا سالیب سییرتمه‌دیلر،
آدلاری کیشی اولدو، عؤمورده بیرجه کره، کیشیلیک ائتمه‌دیلر.
بختیار وهاب‌زاده
آتشین آهیمله ائیلرسن منه تکلیف باغ،
باغبان، گلبرگ خندانین گرکمزمی سانا؟
ملا محمد بن سلیمان فضولی
آتش گئیسم اینیمه
بو عذابا سیغیشماز.
بالاش آبی زاده - آذر اوغلو
آتش دل اؤیله سوزان دیر کی، باخماز هیچ کیم،
رحم ائدیب ناوک لریندن اؤزگه زخمیم اوزره کول.
ملا محمد بن سلیمان فضولی
آتش بوروزه گلدی او چاه ایچره آبدن،
منظور کاروان او زامان گرچی آب ایدی.
سید عظیم شیروانی
آتش برق فراقین نار دوزخ تک الیم،
جرعۀ جام وصالین آب کوثر تک لذیذ.
ملا محمد بن سلیمان فضولی
آتش-عشقینده، ائی خون‌خواره گؤزلو دیلبریم،
ائیله یانمیشدیر بو باغریم، یوخدورور درمان آنا.
شاه اسماعیل صفوی - خطایی
آتدیق دۆنیامیزا بیز ایلک آددیمی
تاختا بئشیکلرین هندورینده.
بختیار وهاب‌زاده
آتانین دردینی داشی‌یا بیلسین.
سیز ای بیزدن سونرا شعره گلنلر،
بختیار وهاب‌زاده
آتامین سنگری مزاری اولدو،
اۆستونه بیر قیریق کرپیج قویولدو.
بالاش آبی زاده - آذر اوغلو
آتامیز(کوروشی) دنیا یاسوبن دخمه سی ایچره
آنامیز ایرانی بولمکده دیر اویناش آراسیندا
محمد حسین بهجت - شهریار
آتامیز یوردی بولونمکده دیمه اویناش آراسیندا
بولونر یوزیاشینون جرمه سی فراش آراسیندا
محمد حسین بهجت - شهریار
آتام نمازینی قیلماقلیقا من اولایم
چکیل کناره، او بی شرم او طفله اولدی مجاب
سیدرضا حسینی - سعدی زمان
آتام دییردی: «پاپروز دئدییین، ایکی چای آراسینداکی پاپروز...»
ایکینجی چایی سنین آغزینلا ایچیب
رقیه کبیری
آتالار همیشه گیلئگلنیبدیر:
آی حضرات، بیر زمانه گلیبدیر،
بختیار وهاب‌زاده
آتاسینی سؤین، یادا باش این
رهبرلر گؤرموشم، قدّار، آمانسیز.
بختیار وهاب‌زاده
آتارام سر و سامانی، داغیدارام بو ویرانی،
یولوندا قویموشام جانی بو تهمت ده، بو تهمت ده.
خورشید بانو ناتوان
آتا مالی کیمی یاری‌یا بؤلدو،
قارداش عینی دردی قارداشلاری‌یلا.
بختیار وهاب‌زاده
آت بئلینده دوغولدوم؛
زامانین قازانیندا
بختیار وهاب‌زاده
آپاریبلا کربلایه
کی شفاسین اوردان آلسین
محمد حسین بهجت - شهریار
آپاریبلا کربلایه
که شفاسین اوردان آلسین
محمد حسین بهجت - شهریار
آپاردی صبر و قراریمی اول قارا گؤزلر،
اؤزومده من داخی صبر و قرار گؤرمه‌میشم!
مظفرالدین جهان شاه - حقیقی
آپار اؤزلوک‌لرینی
منله شن عالم‌لردن
حمیده رئیس‌زاده - سحر خانیم
آبی-زۆلالی-وصلینه شول رسمه تشنه‌دیر بو جان،
کیم گؤزلریمه بو جهان عینی-سراب اولور، شها.
حبیبی
آب یاقوت دئییل اشک روانیم، من اونو،
نه اوز ایلن ائدیم اول لعل گؤهرباره فدا.
علیجان قوسی تبریزی
آب کوثرده منیم هر نه نصیبیم وارسا،
دؤندریب ربیم اونو بادۀ گولفام ائله سین.
سید عظیم شیروانی
آب خضر اولسا دنی اشخاص الیندن ایچمه‌رم
باش اگوب ادنایه عالی منصبیمدن گیچمه‌رم
سیدرضا حسینی - سعدی زمان
آب حیوان چشمه‌ی لعلیندن ایستر خضره جان،
مست عشقین باده سی اول عینین آبیندان‌می‌دیر؟
مظفرالدین جهان شاه - حقیقی
آب حیاته جام لبیندن ایریشدی خضر،
ظلمات اولدو زلف پریشانینا طفیل.
مظفرالدین جهان شاه - حقیقی
آب چشمیم جیزگینیر کویینده، امّا قدری یوخ،
دئمه سین بو درده کیمسه کی، مردم زاده یم.
ملا محمد بن سلیمان فضولی
آ یوللاشان میلّتیم؟
نه گۆنده‌سن، نه گۆنده؟
بختیار وهاب‌زاده
آ قوللاشان میلّتیم؟
داشیندان دا زر بیتر،
بختیار وهاب‌زاده