مانتو مجلسی، شومیز، تونیک شلوار ابروبادی

فیکرینی، حیسّینی اوجادان دئمز،
بعضاً گؤردوگونو گؤرمک ایسته‌مز.
بختیار وهاب‌زاده

فیکریمیزدن، سؤزوموزدن
آلدیغمیز ایشیغی،
بختیار وهاب‌زاده

فیکریم آچیلیر هردن
گؤز اؤنومده قاتباقات.
بختیار وهاب‌زاده

فیکره ده، سؤزه ده وار ایدی سرحد.
سنین عوضینده دۆشونن واردی،
بالاش آبی زاده - آذر اوغلو

فیکره داریسقال اولور!
اوچور، اوچور خیاللار،
بختیار وهاب‌زاده

فیطرت ده یاتیر سؤزده، سؤزون اؤز یوکو فیکریم.
سئچمیش، سئچه جک دایما توکدن توکو فیکریم.
بختیار وهاب‌زاده

فۆضولی حسرتله غۆربتدن وطنه باخیردی،
من ایسه...
وطندن-وطنه باخیرام.
بختیار وهاب‌زاده

فنای عشق تا گؤردوم، صلاح عقل دن دورم،
منی رسوا گؤروب، عیب ائتمه، ای ناصح کی، معذورم!
ملا محمد بن سلیمان فضولی

فنا ملکونه چوخ عزم ائتمه، ای دل، چکمه زحمت کیم،
بو تدبیرایله دفع درد هجران ائیله مک اولماز.
ملا محمد بن سلیمان فضولی

فلکین حشمت و اندیشه یسنین ترکینی قیب!
اؤزونو سالما بو غدار ایله عصیانه دئدیم.
مظفرالدین جهان شاه - حقیقی

فلکین چرخینی سیندیرمیشام اول داشدا
اته گیمده هله ده ساخلامیشام داشلاریمی
محمد حسین بهجت - شهریار

فلکنین گردیشیندن داد و فریاد.
منی آییردی سندن داد و فریاد.
منی یاردان آییردی بو زمانه،
زمانه گردیشیندن داد و فریاد.شاه اسماعیل صفوی - خطایی

فلکده بیر گئجه اول ماهتابی گؤرمک اوچون،
شرر بو آهیم اودوندان چیخار ستاره قیلور.
مظفرالدین جهان شاه - حقیقی

فلکده برق آهیمدن سراسر یاندی کوکب لر،
قالان اودلارا یانمیش کوکب بخت زبونوم دور.
ملا محمد بن سلیمان فضولی

فلکده اؤیله اوزموش مهر و ماهین رونقین حوسنون –
کی، اولدوزلار بو اوزدن هر بیری بیر چشم حیرت دیر.
علیجان قوسی تبریزی

فلک هم اول گئجه بولموش صفا کی، صوفی تک
قرار توتماییب، اولموش او بزمده رقاص.
ملا محمد بن سلیمان فضولی

فلک منله دۆز گلمه‌دی، کس اولدو،
آرزولاریم، اۆمیدلریم هئچ اولدو.
بالاش آبی زاده - آذر اوغلو

فلک محجوبدور، شمع رخوندن یاندیریب چرخی،
چیخارماق ایستر اونی شعلۀ آهیم حجابیندن.
ملا محمد بن سلیمان فضولی

فلک لر قان ایچر گوردوکجه تجرید اهلینی صائب
که یوخ سیزلر حرامیلر گوزینه تیغ عریاندور
میرزا محمد علی صائب تبریزی

فلک عشقینده اول غایتده، ای مه، مضطرب اولموش
کی، هر نه ائیله سه بیلمز نه ائیلر اضطرابیندن.
ملا محمد بن سلیمان فضولی

فلک رنگینه بنزر بو بنؤوشه،
توتوب صحرالری هرس و بنؤوشه!
خورشید بانو ناتوان

فلک دئدیکلری سن دئین دئییل،
نامردلر دوست یولو کسر، آ داغلار.
احمد جواد

فلک دیر مهری زایل، یار غافل، عمر مستعجل،
ندیر تدبیر، بیلمن، جانه یئتدیم بیوفالردن.
ملا محمد بن سلیمان فضولی

فلک جفاسی بو گونده دئگیل سنه، سیّد،
ازلده عادت ائدیب جورایله جفایه فلک.
سید عظیم شیروانی

فلک آییردی منی جورایله جانانیمدان،
حذر ائتمزمی عجب، ناله و افغانیمدان؟
ملا محمد بن سلیمان فضولی

فلقده نرگسین شبنم سووارمیش گؤزلرین گؤردوم
خمار گؤزده نه گؤردوم بیلمیرم، بختیم خراب اولدی»
حمیده رئیس‌زاده - سحر خانیم

فکریمه کون و مکان اهلی دئسون احسن باجی

سیدرضا حسینی - سعدی زمان

فقیه مدرسه معذوردور انکار عشق ائتسه،
یوخ اؤزگه علمینه انکاریمیز، بو علمه جاهل دیر.
ملا محمد بن سلیمان فضولی

فقط من آنلامام توتدوغوم یاسدان،
یوخمودور اونلاردان اثر، آ داغلار؟!
احمد جواد

فقط قورتارمیشام داردان، چتیندن
تک سنین عشقینله وطن، ائی وطن.
بالاش آبی زاده - آذر اوغلو

فقط آزالمامیش اۆمیدیم منیم،
بیر گۆن اللرینه چاتاچاق الیم.
بالاش آبی زاده - آذر اوغلو

فقط اونوتدولار بونو
نه تاریخ، نه ده میلّت اونوتمایاجاق.
بالاش آبی زاده - آذر اوغلو

فقط او سؽندیرا بیلمه‌ییب منی.
او مئهریبان سسین چؽخماز یادیمدان
بالاش آبی زاده - آذر اوغلو

فقر و فنانی بیلمز ایدیم کیمیا ایمیش،
سنگ ستم شکسته دله مومیا ایمیش.
سید عظیم شیروانی

فقر ملکی تخت و، عالم ترکی افسردیر مانا،
شکرلله، دولت باقی میسردیر مانا.
ملا محمد بن سلیمان فضولی

فقر ملکون توت، گر ایسترسن کمال سلطنت
کیم، ملکون فتحینی فغفورو خاقان ائتمه دی.
ملا محمد بن سلیمان فضولی

فقر ملکون توت، گر استغناده ایسترسن کمال،
سلطنتدن کئچ کیم، اول وادیده چوخدور احتیاج.
ملا محمد بن سلیمان فضولی

فقر ایمیش فقر، فضولی شرف اهل وجود،
اؤزونه ائیله‌مه همدم فقرادن غیری.
ملا محمد بن سلیمان فضولی

فغان و ناله چکیب، قیلما هجردن شکوه،
بودور اومید، سنه وصل اولا نصیب، اؤلمه!
فاطما خانیم کمینه

فغان و شیونیله سر من رآی دولودور
ملال بحریدی، مردم او بحر ایچینده حباب
سیدرضا حسینی - سعدی زمان

فغان کیم، باغریمین اول لاله رخ قان اولدیغون بیلمز،
جگر پرکاله سینده داغ پنهان اولدیغون بیلمز.
ملا محمد بن سلیمان فضولی

فغان کی، سؤز دئمه یه دوغرو سؤزلو یار آزدیر،
شب سیاه چوخ و شمع شام تار آزدیر.
علیجان قوسی تبریزی

فغان کی، حالیمه او داش باغیرلی رحم ائتمز،
اگرچی ناله م ایله کوهسار ائدر فریاد.
علیجان قوسی تبریزی

فغان کی، بیر گئجه ای ماه، شمع تک قؤوسی،
سنین جامالینا چشم اومیدوار آچماز.
علیجان قوسی تبریزی

فطرت رخسارینی حق صورت رحمان دئدی،
لوح محفوظون حروفون آیت قرآن دئدی.
مظفرالدین جهان شاه - حقیقی

فضولینی یاشور، ای ضعف، مهوش لر جفاسیندان
کی، مهوش لر قیلیرلار مین جفا، بیر مبتلا گؤرجک.
ملا محمد بن سلیمان فضولی

فضولینی ملامت ایله ین بیدرد بیلمزمی
کی، بازار جنون رسوالاریندا ننگ و نام اولماز.
ملا محمد بن سلیمان فضولی

فضولینی ره عشقینده اشک و آه ائدر رسوا،
بلا دیر، هر کیمین بیر یولدا غمار اولسا یولداشی.
ملا محمد بن سلیمان فضولی

فضولینی دهانین حسرتی بیر درده سالمیش کیم،
نه پنهان ائتمیی ممکن دور اول دردین، نه اظهاری.
ملا محمد بن سلیمان فضولی

فضولینی آیاقدان سالدی بار محنت عشقین،
نچون توتمازسان، ای کافر، الینی بیر مسلمانین؟
ملا محمد بن سلیمان فضولی

فضولی، وئرمه‌دی طعن اوخلاری گؤز یاشینه تسکین،
اؤنون بند ائتمک اولماز خار و خاشاک ایله، جیحون دور.
ملا محمد بن سلیمان فضولی

فضولی، نازنین لر گؤرسن، اظهار نیاز ایله،
ترحم اومسا، عیب اولماز، گدالر پادشالردن.
ملا محمد بن سلیمان فضولی

فضولی، منده ذوق عافیت آز ایسته کیم، چوخ دان،
من اونی آروزگ طلعت جانانه دگشیردیم.
ملا محمد بن سلیمان فضولی

فضولی، کئچ ملامت کوچه سیندن، صبر کوییندن،
فراغت اولمایان یئرده سفر یئنه دیر اقامتدن
ملا محمد بن سلیمان فضولی

فضولی، کاینات اسبابی نین قیلدیم تماشاسین،
ندامت سیز تنعّم یوخ، تصرف سیز تماشا تک.
ملا محمد بن سلیمان فضولی

فضولی، قیلدی فریاد و فغانیم تیره گردونی،
هنوز، اول ماه سورماز کیم، نه فریاد و فغان دیر بو؟
ملا محمد بن سلیمان فضولی

فضولی، قیل قیاس حالین اهل درد حالیندن،
قمار مکر و تزویری حیل اهلیندن اوتدون، توت!
ملا محمد بن سلیمان فضولی

فضولی، غیرایلن خلوت مگر بزم ائتمیش اول گلرخ،
رقیب کجروی گؤردوم بو گون باری یامان سرخوش.
ملا محمد بن سلیمان فضولی

فضولی، عیب قیلما اوز چئویرسم اهل عالمدن،
ندن کیم، هر کیمه اوز توتدوم، اوندان یوز بلا گؤردوم
ملا محمد بن سلیمان فضولی

فضولی، عشقه مهلک دئردیم، اول مهوش اینانمازدی،
بحمدالله کی، جان وئرمک طریقیله ایناندیردوم.
ملا محمد بن سلیمان فضولی

فضولی، عالم قید ایچره سن، دم اورما عشقیندن،
کمال جهل ایله دعوای عرفان ائیله مک اولماز
ملا محمد بن سلیمان فضولی

فضولی، عالم فقر و فناده منعم وقتم،
دیار مسکنت، نقد قناعت ملک و مالیم دیر.
ملا محمد بن سلیمان فضولی

فضولی، عاشقه اونلار کی، دئرلر ترک عشق ایله،
دئمزلرمی خطا، تغییر قیل حکم قضا، دئرلر.
ملا محمد بن سلیمان فضولی

فضولی، ضعف تن عذریله کسمه نالۀ زارین،
بیزی چون چنگ تک معتاد قیلدین نالۀ زاره.
* الله ایچون
ملا محمد بن سلیمان فضولی

فضولی، شاهباز اوج استغنا ایکن، بیلمن،
نه سهو ائتدیم کی، بو ویرانه دئیر آشیان ائتدیم؟
ملا محمد بن سلیمان فضولی

فضولی، روزگارین تیره گؤردون شام هجرانداه،
نسیم صبح تک خورشید رخشاندان خبر وئردین.
ملا محمد بن سلیمان فضولی

فضولی، رشک دن تیترر دل پرخون عشاقین،
بناگوشینده یارین هر زامان کیم، لعل ناب اوینار
ملا محمد بن سلیمان فضولی

فضولی، دئمه یئتمک منزل مقصوده مشکل دور،
توتان دامان شرع احمد مختار یئتمزمی؟
ملا محمد بن سلیمان فضولی

فضولی، دهردن کام آلماق اولماز اولمادان گریان،
صدف سو آلمایینجا ابر نیساندان گهر وئرمز.
ملا محمد بن سلیمان فضولی

فضولی، خالی اولماق جام عیشیم صاف صهبادن،
نشان بخت نافرجام و اقبال نگونوم دور.
ملا محمد بن سلیمان فضولی

فضولی، خالی اولماز صورت دل دوست فکریندن،
بو معنی دن کی، بیت الله، دئیرلر قلب مؤمن دیر.
ملا محمد بن سلیمان فضولی

فضولی، خازن گنج وفایم، اول سببدن دیر،
گوهرلر تؤکدو اسراف ایله بو چشم گوهرپاشیم.
ملا محمد بن سلیمان فضولی

فضولی، جانه تاپشیردین خیالین، شیمدی رسواسن،
سنه کیم دئر کی، هر نامحرمه افشای راز ایله!
ملا محمد بن سلیمان فضولی

فضولی، تؤکمه چوخ یاش، احتیاط ائت گئتمه سین ناگه
گؤزوندن سورمه کیم، خاک ره اهل صفادن دیر
ملا محمد بن سلیمان فضولی

فضولی، بهره وئرمز طاعت ناقص، ندیر جهدین،
کرم قیل، زرقی طاعت صورتینده حددن آشورما!
ملا محمد بن سلیمان فضولی

فضولی، باخماق اولور اول گونش یادیله خورشیده،
نه وجه ایله کیم، اولسا گون کئچر، فکر شب تار ائت.
ملا محمد بن سلیمان فضولی

فضولی، آیری دوشدین یاردن، صبر ائتمه یه یئر یوخ
دوشوب صحرایه افغان ائیله‌دیم سن آیرو، من آیرو.
ملا محمد بن سلیمان فضولی

فضولی، ائیله‌دی آهنگ عیش خانۀ روم،
اسیر محنت بغداد گؤردوگون کؤنلوم.
ملا محمد بن سلیمان فضولی

فضولی، ائل سنی مجنوندان افزون دئر ملامتده،
بونا منکر دئگیل، مجنون داخی معقوله قایل دیر.
ملا محمد بن سلیمان فضولی

فضولی، ایستمزم مسند جم و جمشید،
منه نشیمن دولت شرابخانه یئتر.
ملا محمد بن سلیمان فضولی

فضولی، ایستر ایسن ازدیاد رتبۀ فضل،
دیار روم گؤزت، ترک خاک بغداد ائت!
ملا محمد بن سلیمان فضولی

فضولی، اؤلدورر هر دم منی اهل نظر طعنی
کی، نئیچون یار لعلین چشمۀ حیوانه بنزتدیم.
ملا محمد بن سلیمان فضولی

فضولی، اولماز ایمیش محنت فراقه مفید،
بو ذوق ذکر کی، بیر وقت یاره همدم ایدیم.
ملا محمد بن سلیمان فضولی

فضولی، اشک سیلیله پریشان اولما، صبرایله!
اونا هم وار اولا آخر، توتوبدورارمی دنیانی؟
ملا محمد بن سلیمان فضولی

فضولی، اختلاط مردم عالمدن اکراهیم،
پریوش لر خیالین مونس جان ائتدیگیمدن دیر.
ملا محمد بن سلیمان فضولی

فضولی نین یئتر عشقینه انکارایله، ای گردون!
گواه حال یئتمزمی سنه فریاد و افغانی؟
ملا محمد بن سلیمان فضولی

فضولی نین طریق نظمه طبعین مستقیم ائتمیش
خیال قامتین کیم، بیر الف دیر اعتدال اوزره.
ملا محمد بن سلیمان فضولی

فضولی غمزۀ مردم کشندن التفات ایستر،
سانیر کیم، التفاتی رحم اولور قربانه قصّابین.
ملا محمد بن سلیمان فضولی

فضولی زلفونه باغیلاندی، امّا اؤیله اینجلدی
کی، گویا ضعف اونی هم زلفونه بیر تار مو ائیلر.
ملا محمد بن سلیمان فضولی

فضولی رند و شیدادیر، همیشه خلقه رسوادیر،
سورون کیم، بو نه سئودادیر، بو سئودادن اوسانمازمی؟
ملا محمد بن سلیمان فضولی

فضولی دن ملامت احتزازین ایسته ین گویا
دئگیل واقف دل سوزان و چشم اشکباریندن
ملا محمد بن سلیمان فضولی

فضولی دن مزاجین منحرف گؤردوم بو گون یارب،
مگر فرصت بولوب بیر شمعه حالیندان بیان ائتمیش؟
ملا محمد بن سلیمان فضولی

فضولی خسته یه دشمن سؤزیله دوست جور ائیلر،
زهی ساده، معارض قولی بهتان اولدیغون بیلمز
ملا محمد بن سلیمان فضولی

فضولی خسته دل تا روضۀ کویینده ساکن دیر،
تمنای بهشت و میل گلزار ارم قیلماز.
ملا محمد بن سلیمان فضولی

فضولی جام مئی ترکین قیلیب، زهد ایله تقوادن
قامو دانایه روشن دیر بو، کیم، نادانلیغم واردیر.
ملا محمد بن سلیمان فضولی

فضولی بولدی گنج عافیت میخانه کنجونده،
مبارک ملک دور، اول ملک ویران اولماسین، یا رب!
ملا محمد بن سلیمان فضولی

فضولی اولدی بئلین فکری ائیله موی مثال،
هنوز بولمادی اول شرح احتمال وضوح.
ملا محمد بن سلیمان فضولی

فضل الیهیدن ایکی عالمده شاه ایمیش،
اول اهل دل کی یار ایله عمرونی صرف ائدر.
مظفرالدین جهان شاه - حقیقی

فضل الهیدن ایکی عالمده شاه ایمیش،
اول اهل دل که یار ایله عمرونو صرف ائدر.
مظفرالدین جهان شاه - حقیقی

فضای باغ و گولوستانه میل ائتمز ایدیم، من،
اگرچی، شهرده بیر یار گولعذاریم اولایدی.
سید عظیم شیروانی

فصل خزان غمین چکن آواره بولبوله،
وئردی صبا خبر او گول نوباهاردن.
سید عظیم شیروانی

فزون اولدیقجا عشقین گرم اولور اشکیم گؤزوم ایچره،
اگرچی سو بورودت کسبینی ائیلر هوا گؤرجک.
ملا محمد بن سلیمان فضولی

فریشتۀ طلعطو مه روی خوش لیقا، گئتمه!
جمالی قلبیمه دایم وئرن ضیا، گئتمه!
خورشید بانو ناتوان

فریادلاریم، عذابلاریم، آمانلاریم!
من قاچدیقجا الینیزدن،
بختیار وهاب‌زاده

فریاد کی، عکس اولدی اول کیم گؤره یم دردیم،
آینۀ رخسارین لوح دل حیرانی.
ملا محمد بن سلیمان فضولی

فریاد کی، بیر وئرمه‌دی بیداددن اؤزگه،
گؤز یاشی ایله بسلدیگیم تازه نهالیم.
ملا محمد بن سلیمان فضولی

فرهاد و ذوق صورت، مجنون و سیر صحرا،
بیر راحت ایچره هر کیم، آنجاق منم بلاده.
ملا محمد بن سلیمان فضولی

فرقتوندن یاندی باغریم اوره‌گیم قان اولدی گل
گل کی رخسارون بو مرده جسمه جان اولدی گل
عمادالدین نسیمی

فرقتون دردی منی گور کی نه مجروح ایله‌دی
ای گوزی نرگس حبیب گولعذاریم هارداسان
عمادالدین نسیمی

فرد وجود مطلق اول گوهر لامکانی بیل،
کیم که یقین بیلیر اونو ظنّ و گُمانه طعن ائدر.
مظفرالدین جهان شاه - حقیقی

فرحیم گؤروب، جفاسین حسناته داخل ائیلر،
نه ملک کیم، اول پری نین عملینه کاتب اولموش.
ملا محمد بن سلیمان فضولی

فرحلری فرحده، غمی ده غمده گؤستر.
دئمیرم کی، ذرّه‌نی گئنیش کۆره‌ده گؤستر.
بختیار وهاب‌زاده

فرح بخش دل معشوق اولور شرح غم عاشق،
سرود بزم شیرین نالۀ فرهاد و مجنون دور.
ملا محمد بن سلیمان فضولی

فراوان دیر غمیم، شرحین بیان ائتمک دئییل مومکون،
یاز، ای مصطوفی عالم، مودام اهل جاهان آغلار.
خورشید بانو ناتوان

فراموش ائیله‌ییب حسنوم زلیخانی آغام جانی
گونش تک داشلانیر عشقیم یانیر شوق دمادم‌ده
حمیده رئیس‌زاده - سحر خانیم

فراقین روز محشردیر، سراسر موحنت غم دیر،
او زولفون کیمی درهم دیر، منیم آزاد اولان کؤنلوم.
خورشید بانو ناتوان

فراقین اودونو گؤردوکجه موم تک اریدی،
ثبات صبرده فولاد گؤردوگون کؤنلوم.
ملا محمد بن سلیمان فضولی

فراقی چکمه ین عاشیق، وصالین قدرینی بیلمز
جمیله اولمایان واصیل، جمالین قدرینی بیلمز
عمادالدین نسیمی

فراقه دوشموشم، اولموش مودام ایشیم افغان،
مگر گول اولماسا، بولبول ائدر فغان ترکین؟
خورشید بانو ناتوان

فراقت دل و جان مست لیکده دیر، ساقی،
گؤزون فداسی اولوم، هوشیار قویما منی.
سید عظیم شیروانی

فراق و درد وغمیندن نه فکریم اولا منیم،
چو سن تکی صنم غمگسار گؤرمه‌میشم!
مظفرالدین جهان شاه - حقیقی

فراق لعل لبینده او سرو لاله روخون،
غمینده گؤزدن آخان قطره قطره قانی یازیم.
سید عظیم شیروانی

فراق ایله ایشیمی آه و زار ائدن سن ایدین!
یخاین بو قلبیم ائوین، تار و مار ائدن سن ایدین!
خورشید بانو ناتوان

فراق ایامی سیلاب سرشکیمدن خبر توتماز،
قیامت ماجراسیندان گؤر، اول ظالم نه غافل دیر.
ملا محمد بن سلیمان فضولی

فراغت اولدو ز اندوه و محنت عالم،
حقیقی‌یه نظر حق که قیلدی بو نظری.
مظفرالدین جهان شاه - حقیقی

فرات آشدی باشیمدان و لیک من تشنه،
یاخیب دیر اودلارا، ای وای، عاشیقانه منی.
سید عظیم شیروانی

فدایی اولدوغونو
اونوتمامیسان سن.
باکی، ۱۹۵۶
بالاش آبی زاده - آذر اوغلو

فدا اولوم سنه من، سندن آیریلا بیلمم،
یقین، فراغین ائدر قدّیمی کامان، گئتمه!
خورشید بانو ناتوان

فتنه یایین قورماغا آتش می اولموش احتیاج
کیم، اورارسان عالمه آتش، چاتیب پیوسته قاش.
ملا محمد بن سلیمان فضولی

فانی اولماق ایسترم، یعنی بلای دهردن
راحت جسم ضعی جان بیمار ایسترم.
ملا محمد بن سلیمان فضولی

فال آچیب رخساروه زلفون قاراچی لر کیمی،
غارت ائتدی کؤنلومو دهرین بو قلاب اوغروسو.
سید عظیم شیروانی

فاعلین ماهیتین بیلمز فقیه بیخبر،
ذات بیمثلین صفاتین قلب ویران ایسته‌مز.
مظفرالدین جهان شاه - حقیقی

فاش قیلدین غمیم، ای دیدۀ خونبار، منیم!
ائیله دین مردمه نم اولدیغون اظهار منیم.
ملا محمد بن سلیمان فضولی

فارغ ائتدی مهرین اؤزگه مه لقالردن منی،
حرز ایمیش عشقین سنین، ساخلار بلالردن منی.
ملا محمد بن سلیمان فضولی

فارغ البالست از دنیی و عقبی تا ابد،
شول دلارامین خیالی هر کیمه تاثیر ائدر.
مظفرالدین جهان شاه - حقیقی

فارس شاعری چوخ سؤزلرینی بیزدن آپارمیش
«صابیر» کیمی بیر سفره لی شاعیر پخیل اولماز
محمد حسین بهجت - شهریار