شعر ترکی آذربایجانی برای مشاعره با حروف الفبا | |||||||
|---|---|---|---|---|---|---|---|
| آ | ا | ب | پ | ث | ت | ج | چ |
| ح | خ | د | ذ | ر | ز | س | ش |
| ص | ض | ط | ظ | ع | غ | ف | ق |
| ک | گ | ل | ل | م | ن | ه | و ی |
جیفۀ دنیا دئگیل کرکس کیمی مطلوبوموز،
بیر بؤلوک عنقالریز، قاف قناعت بکلریز.
ملا محمد بن سلیمان فضولی
جیغیرلاری داغیدیب
گئنیش یوللار سالمیشام
بختیار وهاب‌زاده
جیغیرلاردا ایتر، باتار.
زیروه‌لرین مین عطیرلی چیچگینه یئتیشمه‌میش
بختیار وهاب‌زاده
جیزگینیرکن دوست لر کامینجا فرمانینده چرخ،
حاکم تقدیردن تغییر فرمان اولماسین.
ملا محمد بن سلیمان فضولی
جیزگینیرکن باشنا، شمع رخوندن جانیمی،
منع قیلما، آنی هم اول شمعه بیر پروانه توت!
ملا محمد بن سلیمان فضولی
جیریم، توللاییم!
یازدیغیم گۆنلره بلکه یوللاییم؟!
بالاش آبی زاده - آذر اوغلو
جیرماغی‌ینان، ال آتیب حاقین اۆزون جیرماقلادی،
دیرناغی‌ینان تختی توتدو، سیندی دیرناق قالمادی.
بابا پنهان
جۆتباشلی دیولری نه تهر ییخیر،
نه تهر گیزلنیب، تیلسیمدن چیخیر.
بختیار وهاب‌زاده
جؤوهریندن خاکی-پاکین، ائی صنم،
ائریشن باش اولمادی مؤحتاجی-تاج.
حبیبی
جؤوهر پوشیده میز آیینه باغرین آب ائدر،
چهره دن قؤوسی بیزیم آریتسالار جنگاریمیز.
علیجان قوسی تبریزی
جؤور-هیجران چکدیگیمدن قالماییبدیر طاقتیم،
یا نصیب ائتسن نولئیدی صبر و آرامی مانا.
شاه اسماعیل صفوی - خطایی
جوهری معیوب اولان ناقص منم کیم، متصل
سعددیر خطین خیالیله ضمیریم دفتری.
ملا محمد بن سلیمان فضولی
جوهری غواصّدن ایسته، وفایی یاردن!
یار ایلن یار اول، اونوت گیل نفس ایلن اغیارینی!
مظفرالدین جهان شاه - حقیقی
جوهر ذاتینده دیر مجموع اوصاف کمال،
بو صفات ایله کی، سن سن، قاندا دیر بیر پاک ذات؟
ملا محمد بن سلیمان فضولی
جوری کؤنلوم دور چکن، گؤزدور گؤرن رخسارینی،
الله، الله، کام آلان کیم دیر، چکن کیم دیر تعب.
ملا محمد بن سلیمان فضولی
جوری چوخ ائیله‌مه کیم، اولمایا ناگه توکنه،
آز ائدیب، جوری جفالر ائده سن جانیمیزا.
ملا محمد بن سلیمان فضولی
جورلر کیم، ائیله‌میشدین بیر به بیر یاد ایله‌ییب،
شام هجران کؤنلومو بو نوع ایله شاد ائیلرم.
سید عظیم شیروانی
جوردن آه ائتمه، ای عاشق کی، عین لطف دور،
دوست اسباب تجمل حسنه نقصان ایستمز.
ملا محمد بن سلیمان فضولی
جور یار اولدو فزون، ساقی، گؤزون قربانی،
راحت اوچون منه مئی تا خط بغداد اولومو؟
سید عظیم شیروانی
جور اولور عادت غضب وقتی، نه عادت دیر بو کیم،
جورون آز ائیلر منه اول ماه چون ائیلر غضب.
ملا محمد بن سلیمان فضولی
جور اودو یاخدی منی، یانیمدا دورما، ای کؤنول!
بیر توتوشمیش آتشم، قرب جیواریمدان ساقین!
ملا محمد بن سلیمان فضولی
جهنم نه، بئهیشت نه،
والله گلمز عینیمه.
بالاش آبی زاده - آذر اوغلو
جهانیم تار و مار اولموش جانیم حسرتله هم‌سردیر.
دئدین غم‌لر مقدّردیر قضا طوفانی هارداندیر
حمیده رئیس‌زاده - سحر خانیم
جهانی کفر ایله ایمانه چکدی زولف و رخی،
گتیردی روم ایله چین و ختا خراجین اونون.
مظفرالدین جهان شاه - حقیقی
جهانی توتدو نیاز ایله زاهد تقوی،
اونون حقیقتینی سالک ریا بیلمز.
مظفرالدین جهان شاه - حقیقی
جهانی ترک ائدرم، جمله دؤولت و وارین،
محال دیر ائله مک بؤیله نوجوان ترکین.
خورشید بانو ناتوان
جهان ایچره هر فتنه کیم، اولسا حادث،
اونا سرو قددین دیر، البته، باعث.
ملا محمد بن سلیمان فضولی
جهان اوزره خدنگ کاکیلیندن فتنه‌لر دوشموش،
قیامت ابتداسی، فتنۀ آخرزمان دیر بو.
ملا محمد بن سلیمان فضولی
جهاد میدانی دیر، ملت دایانسین
مسلمان خواب غفلتدن اویانسین
محمد حسین بهجت - شهریار
جنون میدانیدیر یوردوم، سانیرکن داشلیان یوخدور
کیم‌ام کیم وار دئیه‌رکن یوخلاییب یولداشلیان یوخدور
حمیده رئیس‌زاده - سحر خانیم
جنون فیضیله آزاد اولموشام قید علایق دن،
کمال و فضل ترکی، رتبۀ فضل کمالیم دیر.
ملا محمد بن سلیمان فضولی
جنون شهبازییم شهر ایله صحرا ایکی بالیم دیر،
در و دیوار بیر یاندان و کوهسار بیر یاندان.
علیجان قوسی تبریزی
جنون ایاقلاری تاققیلدادیر گیریش قاپیسین
گئدیش یولون آراییر، آختاریر دؤزوم تئز گل
حمیده رئیس‌زاده - سحر خانیم
جنگ عباسی گوره‌نده، قودسیان گلدی نوایه
سس سسه وئردی ملکلرر، عرض قیلدی مرتضایه
سیدرضا حسینی - سعدی زمان
جنتین صحنینده طوبی واله و حیران و مست
قامتون حسنونده ای سرو خرامان اولدی گل
عمادالدین نسیمی
جنازم اوستونه گلسین امامیم،
نامازه جعفر طیار گلسین.
سید عظیم شیروانی
جنابینا یوزونو کیم که سالدی از سر صدق،
ایکی جهاندا اونا احترام ایمیش ابدی.
مظفرالدین جهان شاه - حقیقی
جنابینا یوزونو سالدیقجا بو شکسته کؤنول،
ایریشدی سایهً اقباله طالع مسعود.
مظفرالدین جهان شاه - حقیقی
جنابلار، بیر دامجی مۆرککبله سیز
دۆسونون، نلره قول چکمیشسینیز؟
بختیار وهاب‌زاده
جناب حضرتینه واصل اولدو اهل طریق،
اونون معینی مگر مالک القدیم اولدو.
مظفرالدین جهان شاه - حقیقی
جنّتین باغیندا سدره شول قد و بالامیدیر،
آفتاب لایزال اول حسن تابیندانمیدیر؟
مظفرالدین جهان شاه - حقیقی
جنّتی کویینه زهد اهلی مناسب دئسه لر،
نه مناسب کی، قیلام بیر نئچه نادان ایله بحث.
ملا محمد بن سلیمان فضولی
جنّته زاهد بیلیر جان وئرمه دن یئتمز، ولی،
جانه قیماز، اؤز تمناسیندا دیر مسکین بخیل.
ملا محمد بن سلیمان فضولی
جنّت وصلیندن آیری ای دلارامیم منیم،
آشینا حالین نه بیلسین غافل و بیگانه‌لر؟
مظفرالدین جهان شاه - حقیقی
جنّت وصل دلبری گل طلب ائت الهی دن!
جنّته واصل اولمه‌ین ایرمز اونون وصالینه.
مظفرالدین جهان شاه - حقیقی
جنّت نه گرک دیر منه گر اولماسا رؤیت،
خوشحال قیلیب دیر منی دیدار خیالی.
سید عظیم شیروانی
جنّت آباد سر کوییندن آیری دلبرین،
بلبل آشفته‌ام، گلزاره مشتاقم یئنه.
مظفرالدین جهان شاه - حقیقی
جنّت آباد سر کوییندن آیروق تا ابد،
روضه‌نین باغیندا زاهد، حور و رضوان ایسته‌مز.
مظفرالدین جهان شاه - حقیقی
جنّت ائتمیش منیم جهنّمی می
یانماسین یاخماسین آزاتمیشدی
محمد حسین بهجت - شهریار
جنّت ایچون منع ائدن عاشق لری دیداردن،
بیلممیش کیم، جنّتی عشق اهلینین دیدار اولور.
ملا محمد بن سلیمان فضولی
جنّت الماوی نگارین مرغزار وصلیدیر،
مرغ زارم کیم وصال مرغزاری بیلمیشم.
مظفرالدین جهان شاه - حقیقی
جنّت-وصلیندن، ائی جانیم، منی دور ائیله‌مه،
من فراقین آتشیندن چکمیشم درد و عذاب.
شاه اسماعیل صفوی - خطایی
جملۀ خلق منه یار ایچون اغیار اولدی،
قالمادی کیمسه منه یار خدادن غیری.
ملا محمد بن سلیمان فضولی
جمله عشاق اهلیدن چکمیش تعلق دامنین،
تا فضولی خسته یه وصلین تمنا دیر سنین
ملا محمد بن سلیمان فضولی
جمعیت دل کسرت غمدندی پریشان،
بو حالی او گیسوی پریشانه یئتیرسین،
سید عظیم شیروانی
جمعیت اسبابه کؤنول وئرمه، فضولی
کیم، تفرقه دیر خاطره جمعیت اسباب.
ملا محمد بن سلیمان فضولی
جمع دیر کؤنلون سنین کیم، وار من تک چوخلارین،
من پریشانم کی، تاپیلماز منه بیر سن کیمی.
ملا محمد بن سلیمان فضولی
جمع ایکن رخساروه زلفون پریشان ائیله دین،
مندن ای گول، اول جمال الاللهی پنهان ائیله دین.
سید عظیم شیروانی
جمالینین گولونه نیش خار تاپمادی ال،
کی، حوسن باغینا پیوسته باغبان من ایدیم.
خورشید بانو ناتوان
جمالین صفحه‌سینده خطّ و خالین،
یۆزونده آیت-قرآندیر، ائی دوست.
شاه اسماعیل صفوی - خطایی
جمالین شمعینه هر شب دوشر مهتاب روزندن،
چون اونون آفتابیندان دوشوبدور تاب روزندن.
مظفرالدین جهان شاه - حقیقی
جمالین روضه‌ی رضوان دگیلمی؟
دوداغین چشمه‌ی حیوان دگیلمی؟
مظفرالدین جهان شاه - حقیقی
جمالین پرتو نوری منوّر قیلدی آفاقی،
دوداغون آب حیوانی ساچین ظلمتده پنهاندیر.
مظفرالدین جهان شاه - حقیقی
جمالین آیه‌ی امّ‌الکتاب وحدت ایمیش،
ساچینلا مهر رُخون، صبح و شام ایمیش ابدی.
مظفرالدین جهان شاه - حقیقی
جمالی نقشینی سینه مده ثبت ائدیب، سیّد،
سالیبدی رنگه بو گون اول نگار ساده منی.
سید عظیم شیروانی
جمالی اول صنمین صنع پر کمال اولدو،
لبینده خمری اونون چشمه‌ی زلال اولدو.
مظفرالدین جهان شاه - حقیقی
جمال حسنونه آئینه‌دیر ضمیر منیر
جمالین آئینه‌سینده غبار گؤرمه‌میشم!
مظفرالدین جهان شاه - حقیقی
جمال آیینه اول دلبرین نظر قیلماق،
درون آیینه‌ی قلبینی اغیاره قیلور.
مظفرالدین جهان شاه - حقیقی
جماعت ازدحامی مسجده سالمیش کدورت لر،
کدورت اوزره، لطف ائت، بیر کدورت سن هم آرتورما!
ملا محمد بن سلیمان فضولی
جم اولوب کاشانه ایچره، نوش قیلدیق جامی-مئی،
ساقی‌یی-مه‌رویی گؤردوم، چوخ شطارت ائیله‌دیم.
حبیبی
جلیلین چالدیغی ساری سیملرده
قدیم بیر تمثیل ده یادیما دۆشدو:
بختیار وهاب‌زاده
جلوۀ نازده اول شاهسواری گؤرجک،
ییخیلان پای سمنده سن ایدین، یا من ایدیم؟
سید عظیم شیروانی
جلوه باد بهاری التفاتون گل کیمی
کونلومی مین چاک ایلن دست و گریبان ایلمیش
میرزا محمد علی صائب تبریزی
جگریم قانینی گؤز یاشنا تؤکدون، ای دل،
واره واره اونی قلزم، بونو جیحون ائتدین.
ملا محمد بن سلیمان فضولی
جگریم داغینه مرهم بولامادیم سندن،
نئجه آه ایلمییم، آه، یانیب دیر جگریم.
ملا محمد بن سلیمان فضولی
جگرده داغ نهان بیر جاواب دل خونه،
خجالت آتشینه دل اولوب کباب، دئدیم.
سید عظیم شیروانی
جگر داغینه مرهم اولدی پیکانین، بحمدالله،
سعادت کوکبینه اختر بختیم مقارن دیر.
ملا محمد بن سلیمان فضولی
جگر پرکاله سیندن وئرمدین تابوتوما زینت،
تمامه یئتمه‌دی گئتدیم، جاهاندا زیوریم قالدی.
سید عظیم شیروانی
جفایه هیجریدن جانه یئتیب شؤوق وصال ایله،
یانیب شمعین اودونا، ائتمه‌دی فریاد پروانه.
خورشید بانو ناتوان
جفای دهریده گؤردوم ائدیردی شیکوه بیر مضطر،
سسیندن ناتوان بی دل و افکاره بنزتدیم.
خورشید بانو ناتوان
جفای خاری گؤروب، کؤچدو باغیدن بولبول،
گؤره ن کیم اولدو بو گولشنده آشناسی گولون؟
خورشید بانو ناتوان
جفاسینا منی محو ائیله‌دی، وفا قیلماز،
نه تدبیر ائیله‌یه بو دلستان عشقه کؤنول.
مظفرالدین جهان شاه - حقیقی
جفا و جوری وفادیر حقیقی‌یه یارین،
بیر اولدو مشرب توحید ایلن حکایت عشق.
مظفرالدین جهان شاه - حقیقی
جفا و جوری چوخ، دلبرلرین مهر و وفاسی آز،
فضولی، چک الین نه ائتمک اولور بو بیوفا لردیر.
ملا محمد بن سلیمان فضولی
جفا و جورایله معتادم، اونلارسیز ندور حالیم،
جفاسینه حد و جورینه پایان اولماسین، یا رب!
ملا محمد بن سلیمان فضولی
جفا و جورایله قان اولدی باغریم، یارب، اول بدخو
نچون ترک ائیله مز بیداد و جورون، بیر کرم قیلماز؟
ملا محمد بن سلیمان فضولی
جفا اوخونو آتیر غیره اول یگانه، هارای!
خدنگ غمزه سینه اولمادیم نشانه، هارای!
سید عظیم شیروانی
جفا اوخون منه یاغیدیرما آنجاق، ای افلاک،
دئمین کی، یئددی کمانداره بیر نشانه یئتر.
ملا محمد بن سلیمان فضولی
جفا الیله قلیب چاک پردۀ صبریم
نهان اولان غمیمی خلقه آشکار ائتدین
ملا محمد بن سلیمان فضولی
جسورلارین دلی‌قانلی‌لیغینا شرف نغمه‌سی اوخویوروق. م. قورکی
احتیاط سؤزوندن احتیاطلی‌یام،
بختیار وهاب‌زاده
جسمینی اوراق ائدر قرآن کیمی دشمن باجی
سیدرضا حسینی - سعدی زمان
جسمیمی یاندیرما، رحم ائت یاشیمه، ای باغری داش!
احتیاط ائت، یانماسین ناگه قورو اودوندا یاش.
ملا محمد بن سلیمان فضولی
جسمیمی یاقدینسا، پامال ائتمه کؤنلومدن، ساقین،
گلخنم، اکسیک دئگیل خاکستریمده اخگریم.
ملا محمد بن سلیمان فضولی
جسمیمی اشک ایله گنج دور مکنون ائتدین،
مردم چشمیمی احسان ایله قارون ائتدین.
ملا محمد بن سلیمان فضولی
جسمیمده کی بیمار کؤنول ناله سی، گویا،
بیر غمزه ده محمیل دن آسیلمیش جرسیم دیر.
خورشید بانو ناتوان
جسمیم قوجالسادا هله عشقیم قوجالمیوب
جینگیلده ییر هله قولاغیمدا جوان سسی !
محمد حسین بهجت - شهریار
جسمدن جان آلماغا گر اولسا فرمانین سنین،
جانه منت دیر اولام، ای دوست، قربانین سنین.
سید عظیم شیروانی
جسم زاریمدان منیم هیجران نه ایستر بیلمنم،
بو سینیق کشتی دن اول توفان نه ایستر بیلمنم؟
علیجان قوسی تبریزی
جسم زاریم تیغ بیدادیندن اولدی چاک چاک،
تنده سودن رخنه‌لر پیدا قیلان دیوار تک.
ملا محمد بن سلیمان فضولی
جسارت - یا حیات، یا اؤلوم آنجاق!
احتیاط وئرگولدور، نۆقطه دئییل، یوخ!
بختیار وهاب‌زاده
جرعه جرعه مئی ایچیب، زیب جمال آرتیردین،
ذره ذره گؤزومون نورینی افزون ائتدین.
ملا محمد بن سلیمان فضولی
جرس کیمی ییغارام گرچی ناله دن دیلیمی،
یوز اول قدر بو دیل بیقرار ائدر فریاد.
علیجان قوسی تبریزی
جدّیمین یاتدیغی اولو تورپاغی،
سینه‌سی ثروتله دولو تورپاغی،
بختیار وهاب‌زاده
جبین گشاده و دندان گشاده، گندمگون
جمالی گون کیمی طالعدی، زلفی پرخم و تاب
سیدرضا حسینی - سعدی زمان
جبّارین، سئیّدین، خانین سسی‌نی،
دالغالی قاراباغ شیکسته‌سی‌نی،
بختیار وهاب‌زاده
جاویدانی دولت منصور بیلمز یاردن،
عشق میدانینده هر کیم یارایلن تزویز ائدر.
مظفرالدین جهان شاه - حقیقی
جاوانلار حؤرمتله کئچیردی اؤنوندن
هر قیلینج دۆشمنه گؤز داغی ایدی.
بالاش آبی زاده - آذر اوغلو
جاهیل ائنر آلچاقلیغا، اؤز قلبینه یئنمز،
ویجداندان اگر دؤنسه ده، خیریندن او دؤنمز.
بختیار وهاب‌زاده
جاهانی ترک ائله مز کیم کی، عاشیق جان دیر،
حیاتدان اوزوب ال، ائیله مز جهان ترکین.
خورشید بانو ناتوان
جاهانگیر غازیلر مئیدانه گیرسه،
خواریجلر آیاغدا پای-سردیر.
شاه اسماعیل صفوی - خطایی
جاهاندا رمل ایله گنج آختاران حریص کیمی،
منیم تامام ایشیم استیخاره دیر سنسیز.
علیجان قوسی تبریزی
جاهاندا ذرّه قدر اولماز، ای کؤنول، خندان،
کی، خون بولبول اگر اولماسا غذاسی گولون.
خورشید بانو ناتوان
جاهاندا بوی درد و داغ هیچ بیر کیمسه دن گلمز،
اونونچون گون گؤررلر مردوم بیدرد دونیاده.
علیجان قوسی تبریزی
جاهاندا اولمادی بیر دم گؤره یدیم ماه روخسارین،
نه قدری جهد قیلدیم اولمادی امکان، خدا حافظ!
خورشید بانو ناتوان
جاهان-جاهان عالمین دن، جاهان-جاهان افغان،
زامان-زامان سیتمین دن، زامان-زامان فریاد.
علیجان قوسی تبریزی
جانین حقیقی قیلدی فدا چون جنابینا،
کون و مکانی وصلینه قربان دیلر کؤنول.
مظفرالدین جهان شاه - حقیقی
جانیمین جؤوهری، آلنیمین تری.
آخدی واراقلارا گئجه‌لر منیم،
بالاش آبی زاده - آذر اوغلو
جانیمین جوهری اول لعل گوهرباره فدا،
عمرومون حاصلی اول شیوۀ رفتاره فدا.
ملا محمد بن سلیمان فضولی
جانیمین جسمیله ذوق اتصالی قالمادی،
آه کیم، سنسیز دیریلمک احتمالی قالمادی.
ملا محمد بن سلیمان فضولی
جانیمین جانی وصالیندور وصالوندان اونی
تا کی اییردی فلک بیچاره بیجان اولدی گل
عمادالدین نسیمی
جانیمی یاندیردی شوقون ای نگاریم هارداسان
گوزلریم نوری ایکی عالمده یاریم هارداسان
عمادالدین نسیمی
جانیمی یاندیردی شوقون ای دلارامیم مدد،
قالمادی صبریم، توکندی گئتدی آرامیم مدد!
مظفرالدین جهان شاه - حقیقی
جانیمی قوربان قیلاردیم یولونا اول دیلبرین
اول زماندان کیم، دئیرلر اول بۆت-مهرو گلور.
شاه اسماعیل صفوی - خطایی
جانیمی عشقینه تسلیم ائیله‌دیم ایخلاص ایله،
اول پری پئیکر منی، یارب، نه‌دن قیلماز پسند؟
شاه اسماعیل صفوی - خطایی
جانیم نجات ایسته‌مز از دام زلف دوست،
اول حلقهً سلاسله تا اولدو مبتلا.
مظفرالدین جهان شاه - حقیقی
جانیم قربان سنه باخ دالغالاندیر باده دریاسین
بوغولسون جنبه‌سیز پیمانه‌لر دریاده کئفله‌نسین
حمیده رئیس‌زاده - سحر خانیم
جانیم آلدین مئی اوچون، ساقی، ایچیردین منه قان،
داد الیندن کی، منی آل ایله مفتون ائتدین.
ملا محمد بن سلیمان فضولی
جانیم آشفته‌دیر سنسیز، اسیر درده رحم ائیله
روانیم خسته‌دیر سنسیز گؤرون بیر پرده رحم ائیله
حمیده رئیس‌زاده - سحر خانیم
جانی یئتدیم الم هجرین ایله، ای ظالم،
رحم قیل، جانین ایچون، وار ایسه بیر درمانین.
ملا محمد بن سلیمان فضولی
جانی کیم جانانی ایچون سئوسه، جانانین سئور،
جانی ایچون کیم کی، جانانین سئور، جانین سئور.
ملا محمد بن سلیمان فضولی
جانی جانان دلمیش، وئرممک اولماز، ای دل!
نه نزاع ایلیلیم، اول نه سنین دیر، نه منیم.
ملا محمد بن سلیمان فضولی
جانی جانان اتحادی فارغ ائیلر جسمدن،
جسمدن آگاه اولان جان واصل جانان دئگیل.
ملا محمد بن سلیمان فضولی
جانی تن ایچره نه ساخلاردیم اگر بیلسه ایدیم
کی، دئگیل گیزلی غم لعل لبین جان ایچره.
ملا محمد بن سلیمان فضولی
جانوا جانلار فدا کیم، سنسن ای ترسا بچه
مریمین جانی، مسیحین روحو، عیسی نین گؤزو.
سید عظیم شیروانی
جانه نه روا دیر کی، چکیب تیغ، دمادم
غمزن سؤکه جسمیم، دله باغریم، تؤکه قانیم.
ملا محمد بن سلیمان فضولی
جانه میلین وار ایسه، حکم ایله، تسلیم ایلییم،
شاه سن سن، من سنین بیر بندۀ فرمانینم.
ملا محمد بن سلیمان فضولی
جانه دردین، جسمه پیکانین روان ائتمیشدی حکم،
جسم ایله جان ارتباطی اولمادان محکم هنوز.
ملا محمد بن سلیمان فضولی
جانه جسمیم اول خدنگ غمزه دن اولماز پناه،
هیچ جوشن کیمسنی تیر قضادن ساخلاماز.
ملا محمد بن سلیمان فضولی
جانه باسدیم غنچه وش پیکانینی، ای تازه گل،
دؤزمک ایچون هجرینه یایدیم دمردم بیر کؤنول.
ملا محمد بن سلیمان فضولی
جانه آزار خدنگین خوش گلیر، ای قاشی یای،
بیر سفارش قیل کی، بیزدن اولماسین آزارسیز.
ملا محمد بن سلیمان فضولی
جانه ائتدیم درد دل زبتین دن، ای دیلدار، ائشیت!
عندلیبین سرگذشتین، ای گول بیخار، ائشیت!
علیجان قوسی تبریزی
جانمی جانانه وئرمک دیر کمالی عاشقین،
وئرمه ین جان، اعتراف ائتمک گرک نقصانینه.
ملا محمد بن سلیمان فضولی
جان‌لاردان اوزاق، اوزاق دوشن باردی جانیم
یاردان نه سایاق اوزاق دوشر یاردی جانیم
حمیده رئیس‌زاده - سحر خانیم
جانلار وئریب، سنین کیمی جانانه یئتمیشم،
رحم ایله کیم، یئتینجه سنه جانه یئتمیشم.
ملا محمد بن سلیمان فضولی
جاندان کئچه لی بولدوم راحت غم عالمدن،
خوش حکمت ایله بولدوم اول درده بو درمانی.
ملا محمد بن سلیمان فضولی
جاناوار نسلینه صرف ائتدی دومانلیق قاراباغ
کی، اولا اونلارا هر دمده یاوانلیق قاراباغ.
بابا پنهان
جانانی گؤره ن لحظه ده جان دوشدو آیاغه،
یالواردی گدا عجز ایله سلطانینی گؤرجک.
سید عظیم شیروانی
جانان یولوندا عین شرف ساندی قارداشیم
سیدرضا حسینی - سعدی زمان
جانا، کؤنولده همدم اولان غمدورور مانا،
گؤر کیم، فراق ائوینده نه همدمدورور مانا.
شاه اسماعیل صفوی - خطایی
جانا، غمینده گؤزلریمه سو گلیر-گئدیر.
سئیل اولدو، داشدی، شیمدی به هر سو گلیر-گئدیر.
شاه اسماعیل صفوی - خطایی
جانا، بو نه جادودور، قاش و گؤز آراسیندا،
نطقیم توتلور گؤرجک هردم، سؤز آراسیندا.
فاطما خانیم کمینه
جانا گلمیشیک بیز بو جانان الیندن
که نه انس امان تاپدی نه جان الیندن
محمد حسین بهجت - شهریار
جان یوللاناراق الده یوللوق دییه عشق آلدی
عشقه باشیمی قاتما ال مندن اتک سندن
حمیده رئیس‌زاده - سحر خانیم
جان وئریر لعلین تمناسیندا مین آب حیات،
فیضینه لب تشنه یوز خضر و مسیحا دیر سنین.
ملا محمد بن سلیمان فضولی
جان وئریر رایحۀ تربت پاکین، ای تاک،
نور الله لک الارض، سقا الله سراک۱٫
ملا محمد بن سلیمان فضولی
جان وئریب بیر جان اۆچون یانسا حبیبی، غم دگیل،
ماسَوادان فاریغ اولدو وصلی-دیلدار ایسته‌ین.
حبیبی
جان وئریب آلماق ایسترم بوسه دهان یاردن،
بو یوخ و واردن کئچیب، گؤر نه خیاله دوشموشم.
سید عظیم شیروانی
جان وئرمیم می غربته کیم، بیم طعنه دن
یاد وطن فغانیما سنسیز بهانه دیر.
ملا محمد بن سلیمان فضولی
جان وئرمه هر اؤترگی درد-غمه، شعریم منیم،
ازمه-بۆزمه گؤزه‌له بنزه‌مه، شعریم منیم.
بختیار وهاب‌زاده
جان وئرمه غم عشقه کی، عشق آفت جان دیر،
عشق آفت جان اولدیغو مشهور جاهان دیر!
ملا محمد بن سلیمان فضولی
جان وئردی خودا، اما کی، عشق ایسته‌دی مندن،
یوخدور دئمگه عار ائله‌دیم، من نه دئدیم کی؟!
بابا پنهان
جان وئردی چون حقیقی بهای وصالینا،
وصلیندن اول فقیره تمنّا دگیلمیدیر؟
مظفرالدین جهان شاه - حقیقی
جان وئر، کؤنول، اول غمزه یه کیم، مونجه زامانلار،
جان ایله سنی بسلدیگیم آنین ایچون دور.
ملا محمد بن سلیمان فضولی
جان و کؤنلو، عقل و دینی ج‍ۆمله وئردیم ساقی‌یه،
شول زیانگر صوفی‌یه سانکیم خسارت ائیله‌دیم.
حبیبی
جان و دیلمی قویموشام یولوندا من، ائی دیلروبا،
تاکی اویخودا گؤررمن سن تکی بیر مهلیقا.
شاه اسماعیل صفوی - خطایی
جان و دل قیدینی چکمک دن اؤزوم قورتاردیم،
جانی جانانه یه وئردیم، دلی دلداره فدا.
ملا محمد بن سلیمان فضولی
جان و دل بیگانه دیر بزم وصال یارده،
آشنانین بزمینه بیگانه مهمان اولماسین.
سید عظیم شیروانی
جان و دل بیر عمردور تیغینچون ائیلرلر جدل،
گیرمه‌دی تیغین سنین اورتایه، قطع اولماز نزاع.
ملا محمد بن سلیمان فضولی
جان و جهانی سیزسیزین نئیلر خطایی خسته دیل،
سندن مۆدام احسان دیلر، چۆنکی گدادیر بینوا.
شاه اسماعیل صفوی - خطایی
جان و جهانی ترک ائدیب، ایسته‌میشم وصالینی،
بلبل حسرت اولموشام جنّت گلعذارینه.
مظفرالدین جهان شاه - حقیقی
جان و جهانی ترک ائدیب عشق ایله گل بو عرصه‌یه!
دوشمه بو چرخ کجروون حرصینه و ملالینه!
مظفرالدین جهان شاه - حقیقی
جان نثار ائتمکده بیر عؤمر انتظارین چکمیشم،
ائی طبیب بی مروت تا حیاتین وار گل!
علیجان قوسی تبریزی
جان متاعی نین بهاسیدیر نه کیم، دوران وئریر،
طرفه کیم، صانیرام شفقت دیر اول غدارلیق.
ملا محمد بن سلیمان فضولی
جان گۆدن اوغلانلارین دهشتده ایکن اؤزلری،
اؤزگه‌لرچون جانلاری ترپندی، یا ترپنمه‌دی؟
بابا پنهان
جان گؤرونمز دئسه‌لر تنده اینانمان، نیشه کیم،
لطف دن هر نئجه باخسام تنینه، جان گؤرونور.
ملا محمد بن سلیمان فضولی
جان غمین چکمیش ایدی، وار ایدی بوینومدا حقی
بو اونون اجری ایدی کیم، سنه قربان ائتدیم.
ملا محمد بن سلیمان فضولی
جان شیرین منه تلخ اولدو غم هجراندان،
وئرمه‌دی کیمسنه اول خسرو خوبان خبرین.
سید عظیم شیروانی
جان سنین، جسم سنین، امر سنین، فعل سنین،
جمله سنسن، بو آرادا نه شئیم وار منیم؟
سید عظیم شیروانی
جان زهرادور جماعت، هم امام کون امکان
حجت‌الله بیلمیسیز گر، فرض ائدین سیز بیر مسلمان
سیدرضا حسینی - سعدی زمان
جان ذرّه وار رقصه گیرر در سماع قول
رخسارین اوزره مهر درخشان دیلر کؤنول.
مظفرالدین جهان شاه - حقیقی
جان چیخیر تندن کؤنول ذکر لب یار ایلگج،
تن بولور جان یئنله دن اول لفظی تکرار ایلگج.
ملا محمد بن سلیمان فضولی
جان چیخسا، منزل ائتمه یه ائو توت حباب دن،
ای گؤز یاشی کی، قصد بنای تن ائیله دین.
ملا محمد بن سلیمان فضولی
جان چو جانان مالی دیر، بس دخی مندن دوست لار،
جان نه ایستر بیلمنم، جانان نه ایستر بیلمنم؟
علیجان قوسی تبریزی
جان تازه لنیر لعل دورفشانینی گؤرجک،
دیل خرم اولور سرو خرامانینی گؤرجک.
سید عظیم شیروانی
جان بخش ائدر مماته لبین، ائی مسیح دم،
عیسی‌لرین عجب‌می دمیندن بو مؤعجوزات؟
شاه اسماعیل صفوی - خطایی
جان باغشلاردی لبین اظهار گفتارایله‌ییب،
اورمادای عیسی لبی جان بخش لیقدن دم هنوز.
ملا محمد بن سلیمان فضولی
جان آلانیم ایکیدیر، گؤیده فلک، یئرده ملک،
دئسه‌لر هانسیدی غدّار، او بیلر - من بیلرم.
بابا پنهان
جان ائله دیکده میل تماشای قامتین،
گؤز روزنین سرشک روانیم روان توتار.
ملا محمد بن سلیمان فضولی
جان ایله هم جهان منم، دهر ایله هم زامان منم،
گؤر بو لطیفئیی کی من، دهرو زمانه سیغمازام
عمادالدین نسیمی
جان اونودولسون.
منیم گۆنلریمه بیر یؤن، بیر سۆکان،
بختیار وهاب‌زاده
جان اولماز ایسه، سن تکی جانان یئتر مانا،
وصلین بو خسته کؤنلومه درمان یئتر مانا.
شاه اسماعیل صفوی - خطایی
جان اگر چیخسا تنیمدن اثر مهرین ایله،
اثر مهرینی سانمان کی، چیخار جانیمدان.
ملا محمد بن سلیمان فضولی
جام ورماق رسمدور ساقی، دوتولموش آی ایچون
صیقل جام ایله پرداز ایت دوتولموش کونلومی
میرزا محمد علی صائب تبریزی
جام مئی ایله حمد و ثنا صحبتین یازیب،
گویا تصور ائتمیسن اهل ریا منی.
سید عظیم شیروانی
جام لبینده چشمه‌ی حیوان دیلر کؤنول،
وصلین باغیندا روضه‌ی رضوان دیلر کؤنول.
مظفرالدین جهان شاه - حقیقی
جام لبینده جرعه‌سی باده‌ی عشق ایمیش مگر؟
مست الست ائدر بیزی کوثر ذوالجلالیله.
مظفرالدین جهان شاه - حقیقی
جام لبین مییندن ایچیرتدی حقیقی‌یه،
آب حیاتی لعل زلالیندن آفتاب.
مظفرالدین جهان شاه - حقیقی
جام دورینده، فضولی، اوخودوم مئی وصفین:
آتش خرمن غم، آب حیات حکما.
ملا محمد بن سلیمان فضولی
جام توت، دئر، ساقی گلچهره، زاهد، ترک جام،
ای کؤنول، فکر ائله گؤر کیم، قانسیدیر توتمالی پند.
ملا محمد بن سلیمان فضولی
جام-مۆصفّادان مانا ساقی ایچیردی بیر قدح،
صوفی نه بیلسین من نئجه اول جامدن بولدوم صفا.
شاه اسماعیل صفوی - خطایی
جَدّی قویان شریعته قرباندی قارداشیم
سیدرضا حسینی - سعدی زمان