شعر ترکی آذربایجانی برای مشاعره با حروف الفبا | |||||||
|---|---|---|---|---|---|---|---|
| آ | ا | ب | پ | ث | ت | ج | چ |
| ح | خ | د | ذ | ر | ز | س | ش |
| ص | ض | ط | ظ | ع | غ | ف | ق |
| ک | گ | ل | ل | م | ن | ه | و ی |
عینیمه گلمز جهانین ظلمتی بیر شمّه‌جه،
چون ایکی عالمده سنسن مردم عینیمده نور.
مظفرالدین جهان شاه - حقیقی
عینیمده نور لم یزل اولدو غم رخون،
ای خاک آستان تو کحل بصیر ما.
مظفرالدین جهان شاه - حقیقی
عینی جاندیر اللریندن زهری-ناب،
سنسیز آبی-زیندگی میلحی-اۆجاج.
حبیبی
عینی-فتّانینلا قاشین، زۆلفین، ائی مه‌رو صنم،
نئچه عیزّت اهلی‌نی پامال ائدوبن خار ائدر.
حبیبی
عین‌الیقین حق سیرّینه ایدراک ائدن اینسان ایدیم،
ائی معریفتدن بیخبر، اینصافه گلگیل (بیدغا).
شاه اسماعیل صفوی - خطایی
عیش ایچون بیر طرفه منزل دیر باهار ایامی باغ،
اوندا توتسون غنچه وش هر کیم کی، عیش ایستر اوتاغ.
ملا محمد بن سلیمان فضولی
عید وصلینه مشرف اولمادان اغیار دون
دستینی بوس ایله دیک بیز اونلا شادانیز هله
میرزا محمد علی صائب تبریزی
عیان گؤزله باخان شخصه نهانسان،
نهان گؤزله باخان ذاته عیانسان.
سید عظیم شیروانی
عیار نقد عشقی، ای کؤنول، صراف اولاندان سور،
بروز ائیلر محکده سیم نابین قدر و مقداری.
سید عظیم شیروانی
عؤمور پارچالانیب دوغرانیر مین-مین،
سپیلیر یوللارا گئت-گل ایچینده.
بختیار وهاب‌زاده
عؤمور بیر عالمدیر، آرزو بیر عالم
آرزو منزیلیمه اللریم چاتماز.
بالاش آبی زاده - آذر اوغلو
عؤمرونون تارلاسینا غم کوتانیندا
همیشه گۆل اکدی، وای دردی بابام.
بختیار وهاب‌زاده
عؤمرونو یاشامیش اؤلودور اونلار،
تاریخین کئچیلمیش یولودو اونلار...
بالاش آبی زاده - آذر اوغلو
عؤمرونده بیر دفعه او خسته‌لندی،
همن آزارلا دا کؤچدو دۆنیادان.
بختیار وهاب‌زاده
عؤمرون باهاریندا آیریلدیم سندن،
عؤمرون یورغون واختی تاپدیم تزه‌دن.
بالاش آبی زاده - آذر اوغلو
عؤمرون ایری-اۆیرو دولایلاریندا
کیمی پیادادیر، کیمی سرنیشین.
بختیار وهاب‌زاده
عؤمرومون گنجلیگی بیر چیچک اولدو،
واختسیز توفانلارین الینده سولدو،
بالاش آبی زاده - آذر اوغلو
عؤمرو باشا ووردون آلتمیش یاشیندا.
آلتمیشین اۆستونده دوروب یاشین دا.
بختیار وهاب‌زاده
عؤمرلردیر ائتمیشم، من بیلمنم کیم، هاندایام،
هئچ منی گؤردونمو، ای عنقا، دولانیم باشینا.
علیجان قوسی تبریزی
عود قوماره بنزر، یارین شمیم زلفو،
بیر تاری بست ائدیب دیر یوز نافۀ تاتاری.
سید عظیم شیروانی
عهدینده وفا وارسا، مبهوت نه دورموشسان؟
وار کویه، یوگور-یورت تا جانین اؤز آراسیندا.
فاطما خانیم کمینه
عهدلردن کئچمه دیم، پیمانلاری سیندیرمادیم،
لاجرم، بی مهرلرتک اولموشام افسانه من.
خورشید بانو ناتوان
عهد و پیمانین نه اولدو، نولدو ایلغاریم منیم
محمد حسین بهجت - شهریار
عهد و پیمان ائتدی یاریم کیم: “سنه یارم”، ولی،
یارلیق وقتی وفای عهد و پیمان ائتمه دی.
ملا محمد بن سلیمان فضولی
عهد قیلدین کی، جفا کسمه یه سن عاشق دن،
عاشقی وعدۀ احسان ایله ممنون ائتدین.
ملا محمد بن سلیمان فضولی
عهد ائت ائده سن جانوی سن صدقیله قربان
حیران یار اگر بیر ده بو گلزاره قاییتسین
حئیران خانیم
عنعنه‌ن چینینه نیه یۆک اولدو؟
آنلایا بیلمیرم، نه واختدان بری
بختیار وهاب‌زاده
عنبرین بویو اگر دولموش او گیسولرده،
بئله خوش بوی دخی اولماز او خوشبولرده.
فاطما خانیم کمینه
عنبری-سارا ساچیندان اولدو خاک،
نافه‌یی-چین نئجه‌سی بولا رواج.
حبیبی
عنبر سارایه میل ائتمزدی، ای آهونگاه،
زلف مشکی نین اگر گؤرسیدی سارانین گؤزو.
سید عظیم شیروانی
عنبر افشان ساچینی کفره مناسب قیلیبان،
شمع رخسارینی ایمان دئدیلر، گرچک ایمیش.
مظفرالدین جهان شاه - حقیقی
عنان عشقینه ال چاتماق اولسا یول یاخین یول‌دور
دلالت اهلینه آددیم دا بیر اندازه‌سیز یول وار
حمیده رئیس‌زاده - سحر خانیم
عناب لبین، جانا، تشبیه ائدیب عاشیق لر،
نار دانه سیدیر، گویا، دوشموش بوز آراسیندا.
فاطما خانیم کمینه
عملینله منی رۆسوای-جاهان ائیله‌میسن،
چکیرم دوستلار آراسیندا خجالت، آی آتا.
بابا پنهان
عمروم توکنیب، اولدو نهایت شب وصلین،
ائتدیم کی دعالار، بو سحر اولماسین، اولدو.
سید عظیم شیروانی
عمره سوره ن من قره گون
آخ دئمیشم وای دئمیشم
محمد حسین بهجت - شهریار
عمرلردیر ائیلرم احوال دنیا امتحان،
نوقد عمرو حاصل دنیا همان بیر یار ایمیش.
ملا محمد بن سلیمان فضولی
عمر گیچدی، سفر اسبابینی آماده قیلین
هرنه سیزدن کسه تیغ اجل اوندان کسیلین
میرزا محمد علی صائب تبریزی
عمر پایانه یئتیب، موی سیه اولدو سفید،
آرزوی هوس بوسو کنار ائتمه دخی.
سید عظیم شیروانی
علی نین ذوالفقاری داده چاتسین
حسین قربانلاری گلسین منایه
محمد حسین بهجت - شهریار
علی بحر-حقیقتدیر، یقین بیل
حیات-جاویدانی مؤعتبردیر.
شاه اسماعیل صفوی - خطایی
علم‌الاسما کلامیندان هدایت گؤرسدیر،
کنز حکمتدن بیان اولدی مسمّاسی لبین.
مظفرالدین جهان شاه - حقیقی
علم توحید اول لبون نطق دُرافشانینده‌دیر،
وحدتین جام می لعل درخشانینده‌دیر.
مظفرالدین جهان شاه - حقیقی
عکس قددینله گؤرن دایرۀ آینه ده،
وئرمه بدردیر انگشت نبوتدن شق.
ملا محمد بن سلیمان فضولی
عکس سالماز پیکریم گوزگویه باخسام، ضعف دن،
عالم صورتده بیر شیدا بولونماز من کیمی.
ملا محمد بن سلیمان فضولی
عکس رویین سویا سالمیش سایه، زلفون توپراغا،
عنبر ائتمیش توپراغین آدین، سویون اسمین گلاب.
ملا محمد بن سلیمان فضولی
عکس روخوو ساغر صهباده گؤره ن دم،
بیتاب اولوبان اؤزگه تمنا لره دوشدوم.
سید عظیم شیروانی
عکس رخون اوغورلدیوغچون دؤنه دؤنه،
آسیلدی گوزگو شهرده، ائلدن سورولدو جام.
ملا محمد بن سلیمان فضولی
عکس رخسارین ایله اولدی مزین میرات،
بدن مرده یه فیض نظرین وئردی حیات.
ملا محمد بن سلیمان فضولی
عکس-صدایا دؤنسون.
عصریمیزین نبضی ده آهنگینده دؤیونسون.
بختیار وهاب‌زاده
عقلیم ایتوردی لیلی و مجنون حیکایتین،
شیرین یولوندا اولدو چو فرهاد جانفدا.
مظفرالدین جهان شاه - حقیقی
عقل یار اولسایدی، ترک عشق یار ائتمزمیدیم؟
اختیار اولسایدی، راحت اختیار ائتمزمیدیم؟
ملا محمد بن سلیمان فضولی
عقل میدانینی زندان بلا بیلمز هنوز،
کیم کی، بیر مدت جنون ملکونو سیران ائتمه دی.
ملا محمد بن سلیمان فضولی
عقل دون همت، صدای طعنه یئر یئردن بلند،
بخت کم شفقت، بلای عشق گون گوندن فزون.
ملا محمد بن سلیمان فضولی
عقل ارشادیله اولماق کام حکمت دور، ولی
دام راه اول حلقۀ زلف مونبردیر مانا.
ملا محمد بن سلیمان فضولی
عقد شبنم دیر گل تر اوزره، یاخود هر طرف،
قطره قطره تردن اول رخسار اوزه سولارمیدیر؟
ملا محمد بن سلیمان فضولی
عقباده کوثر ایستمه سین رند میکده،
دنیاده بس دئگیلمی مئی ارغوان ایچر؟
ملا محمد بن سلیمان فضولی
عفو ائده خدمتده هر تقصیرمیز پیر مغان،
ای فضولی، جانیمیز اهل جمالین صدقه سی.
ملا محمد بن سلیمان فضولی
عطشان جام وصلینم، ای خیضرخت، اگر
ایچسم، ایلاهی، زهر اولا آب بقا منه.
سید عظیم شیروانی
عطش حرارتینی سوندوروب تمام اولدی
بو شرح غم گینه الدن آپاردی طاقت و تاب
سیدرضا حسینی - سعدی زمان
عطارد ایلغار ائویندن سووشور چاشمیاسان
شعر تاققیلداداجاق جان قاپوسین آچمیاسان
حمیده رئیس‌زاده - سحر خانیم
عصرلر بویونجا ووروشدوق، آنجاق
سارسی‌دا بیلمدیک حؤکمونو بیر گۆن.
بختیار وهاب‌زاده
عصرلر ایتیردیک ایللر ایچینده،
قانقاللار بیتیردیک گۆللر ایچینده،
بابا پنهان
عصر گئتمکده دؤزوم دم‌لری بیتمک ده، قالان
عشقینه ماهنی قوشاندیر یاری جانیله یئتیش
حمیده رئیس‌زاده - سحر خانیم
عشوه‌ی غمزه‌لری غارت دین ائیلر ایمان،
که من اول عینه نئچون کافر تورکانه دئدیم؟
مظفرالدین جهان شاه - حقیقی
عشوه و نازیلن منی گرچه یاخیر جفاسینه،
رنگیمی لاله گون ائدر لبلری خمر آلیله.
مظفرالدین جهان شاه - حقیقی
عشوه و نازایله دفع ائتدین غم و اندوهیمی،
سحرایلن بیگانه ائتدین آشنالردن منی.
ملا محمد بن سلیمان فضولی
عشوه بیرله باغریمی یاندیردی وصلین فرقتی،
حشر و نشر اول عشوه‌نین ناز و عتابیندان‌می‌دیر؟
مظفرالدین جهان شاه - حقیقی
عشقینین یولوندا جان قربان قیلاندیر پایدار،
هر دلی اگریده یوخدور دعوی مردانه‌لر.
مظفرالدین جهان شاه - حقیقی
عشقینین اسرارینی فاش ائتمیشم عالمده من،
گل بو سرّی گؤر کیم اول اسراره مشتاقم یئنه!
مظفرالدین جهان شاه - حقیقی
عشقینی آسان گؤروب اولدیم اسیری طفل ایکن،
بیلمدیم گلدیکجه بیر آشوب دوران اولدیغون.
ملا محمد بن سلیمان فضولی
عشقینه هر کیم گیریفتار اولدو، ائی کافیر نئجه،
شئیخ صنعان تک بئلینه باغلایان زۆنّار اولا.
شاه اسماعیل صفوی - خطایی
عشقینه دوشدو مسیحا چو بو زیبا سنمین،
چارمیخه چکیلیب زلف چلیپاسی اوچون.
سید عظیم شیروانی
عشقینده مبتلالیغمی عیب ائدن سانیر
کیم، اولماق اختیارائیله دیر مبتلا سانا.
ملا محمد بن سلیمان فضولی
عشقین، فضولی زار، ترک ائتمک اولدی دشوار
یا عارفا بما صارلا تکثرالنصایح*****.
ملا محمد بن سلیمان فضولی
عشقین یولوندا من منه تقصیر بیلمزم.
عشقیندن اؤزگه جانیما تاثیر بیلمزم!
مظفرالدین جهان شاه - حقیقی
عشقین یولوندا کیم که قدم قویمادی به صدق،
کام وصاله ایرمه‌دی، درمانه یئتمه‌دی.
مظفرالدین جهان شاه - حقیقی
عشقین نه‌دیر جاهاندا سنین، ائی پری صیفت،
حئیراندورور فلکده گزن ماهتاب آنا.
شاه اسماعیل صفوی - خطایی
عشقین مریضییم، منی ائیلر بو غم هلاک،
دارالشفای وصلوه وار ایندی حاجتیم.
سید عظیم شیروانی
عشقین کی قراریندا وفا اولمیاجاقمیش
بیلمم کی طبیعت نیه قویموش بو قراری؟
محمد حسین بهجت - شهریار
عشقین کی قراریندا وفا اولمایاجاقمیش
بیلمم کی طبیعت نیه قویموش بو قراری؟
محمد حسین بهجت - شهریار
عشقین قدیم و مهر رخون لایزال ایمیش،
من بوندان اؤزگه نکته‌ی اسرار بیلمه‌نم.
مظفرالدین جهان شاه - حقیقی
عشقین سنین کی، مخزن-گنج-الٰهی‌دیر،
آنداندورور کی، مسکن اولوبدور خراب آنا.
شاه اسماعیل صفوی - خطایی
عشقین اووجوندا چاخیر بارداقی پایلانمادادیر
بلکه الله دییه‌ن اولسا جالانیر قالماق اوچون
حمیده رئیس‌زاده - سحر خانیم
عشقیمین بولبولی سنی دوتموش
هرنه دونیاده گول وار، آتمیشدی
محمد حسین بهجت - شهریار
عشقیمه نقصان یئتیرمز گؤرممک اول عارضی،
جوهره تغییر آثار عرض وئرمز خلل.
ملا محمد بن سلیمان فضولی
عشقیم منی انگشت نما قیلدی جاهانه،
ای قاشی هلالیم، سنه تا یار من اولدوم.
سید عظیم شیروانی
عشقیم ده قاخینج اولدو منیم باشیما هر گۆن،
بیر عشقین اوجوندان نه قدر طعنه یئدیم من.
بختیار وهاب‌زاده
عشقی یولوندا دلبرین باشینی قوی حقیقیا،
کیم که بویولدا باشینی قویمادی، جانفشان دگیل.
مظفرالدین جهان شاه - حقیقی
عشقی واریدی شهریارین گللی- چیچکلی
افسوس قارا یل اسدی خزان اولدی بهاری
محمد حسین بهجت - شهریار
عشقی وار ایدی «شهریار»ین گوللی- چیچکلی
افسوس، قارا یل اسدی، خزان اولدی بهاری
محمد حسین بهجت - شهریار
عشقی-معشوقه قول اولان صیدق ایله
دۆنیا و عۆقبا ایچینده شاه اولا.
حبیبی
عشقوه، ای نگار، مجبورم،
او گئدن الدن اختیاره قسم.
سید عظیم شیروانی
عشقه یورد اولموش جانیمدا دؤزمگه یئر قالماییب
بویلانیر جان جسم ایچینده‌ن یئتسین ایلقار یوردونا
حمیده رئیس‌زاده - سحر خانیم
عشقه وفا و، جوره تحمل، فراقه صبر،
اول اهل عشقه، یار وفاداره‌دیر سلام.
مظفرالدین جهان شاه - حقیقی
عشقه گل، یار اول کؤنول، وار حقدن ایسته یارینی!
خسرو کون و مکان بیل اول بت عیارینی!
مظفرالدین جهان شاه - حقیقی
عشقه تا دوشدیم، فضولی، چکمدیمدنیا غمین؛
بیل کی، قید عشق ایمیش دام تعلقدن نجات.
ملا محمد بن سلیمان فضولی
عشقله معشوق و عاشیق سنده اولموشدور ظۆهور،
سیرّ-مااوحی ایمیشسن، یا علی، سندن مدد.
شاه اسماعیل صفوی - خطایی
عشقده صنعان اولوب، زنّاره ائتمزمی هوس
گؤرسه زاهد گر سنین تک بیر بت ترسا یوزون.
سید عظیم شیروانی
عشقده صادق لیک اظهار ائتدی داغین گؤستریب،
غالباً دئرلردی کاذب، قیلدی اوندان عار صبح.
ملا محمد بن سلیمان فضولی
عشقدن وهم ائتمه سین عاشق، ییخار کؤنلوم دئییب،
هیچ سلطان دئین ملکونو ویران ایستمز.
ملا محمد بن سلیمان فضولی
عشقدن جانیمدا بیر پنهان مرض وار، ای حکیم!
خلقه پنهان دردیم اظهار ائتمه، زنهار، ای حکیم!
ملا محمد بن سلیمان فضولی
عشقدن بیر دم تن سوزانی دور ائتمز فلک،
وه نئجه فانوس دور، شمعی هوادن ساخلاماز.
ملا محمد بن سلیمان فضولی
عشق، پروانه نه سؤزدور بو کی، عاشیق، قؤوسی،
جان وئریر اؤیله کی، جانانی خبردار اولماز.
علیجان قوسی تبریزی
عشق ناموسی من و مجنونه دوشموش لاجرم،
غم یوکون چکمکده اوزین بیر زمان، اول بیر زمان.
ملا محمد بن سلیمان فضولی
عشق کلکی چکدی خط حرف وجود عاشقه
کیم، اولا ثابت حق اثباتیندا نفی ماعدا.
ملا محمد بن سلیمان فضولی
عشق عالمینده همت مردانه گؤستریب،
بیر قاری اولدو یوسف کنعانه مشتری.
سید عظیم شیروانی
عشق سئوداسینه صرف ائیلر فضولی عمرونو،
بیلمزم، بو خواب غفلتدن قاچان بیدار اولور.
ملا محمد بن سلیمان فضولی
عشق سئوداسیندان، ای ناصح، منی منع ائیله دین،
یوخ ایمیش عقلین، منه یاخشی نصیحت وئرمدین.
ملا محمد بن سلیمان فضولی
عشق سوداسیندا سود ائتدیم متاع وصلدن،
ای فضولی، جان وئرن جانانا نقصان ائتمه دی.
ملا محمد بن سلیمان فضولی
عشق سلطانی منم قتلیمه فرمان گتیریب،
ائتمه‌دیم ترک وفا، طاعت فرمان ائتدیم.
خورشید بانو ناتوان
عشق سرگشته سییم، سیل سرشک ایچره یئریم،
بیر حبابم کی، هوادن دولودور پیرهنیم.
ملا محمد بن سلیمان فضولی
عشق سرگردانییم، کؤکسومده مین مین داغ وار،
بیر سپهرم سایرم، ثابت جمیع اختریم.
ملا محمد بن سلیمان فضولی
عشق رسمین عاشق اؤیرنمک گرک پروانه دن
کیم، گؤیر گؤردوکده شمعین آتش سوزانینه.
ملا محمد بن سلیمان فضولی
عشق رسمی گر بودور، مشکل یئتر درمانه درد،
درد اهلی بیزبان، بیدردلر مست غرور.
ملا محمد بن سلیمان فضولی
عشق رخینده دلبرین اول ایریشیر مراده کیم،
جان و جهانی وارلیغین ترک ائده ملک و مالیله.
مظفرالدین جهان شاه - حقیقی
عشق رخساریندا بیر دم وصل ایله شاد اولمادیم،
هر طرف سئیر ائیله دیم، دوشدوم عجب هیجرانه من.
خورشید بانو ناتوان
عشق دیر اول نشاء کامل کیم، اوندان دیر مدام
مئیده تشویر حرارت، نئیده تأثیر صدا.
ملا محمد بن سلیمان فضولی
عشق دریادیل منیم کؤنلومده پونهان اولسا یئی*،
گنج گؤوهر منزلی هرچند ویران اولسا یئی.
علیجان قوسی تبریزی
عشق دردینه اطبا قاموسو عاجزدیر،
وصل علاج ائده مگر بو مرض پنهانه.
فاطما خانیم کمینه
عشق دردیندن اولور عاشق مزاجی مستقیم،
عاشقین دردینه تیمار ائتسه لر، بیمار اولور.
ملا محمد بن سلیمان فضولی
عشق دردین، بولهوس یانیندا اظهار ائتمه کیم،
هر اؤزون بیلمز بو گنجین سرّینه محرم دئگیل.
علیجان قوسی تبریزی
عشق دردیله خوشام، ال چک علاجیمدان، طبیب،
قیلما درمان کیم، هلاکیم زهر درمانیندا دیر.
ملا محمد بن سلیمان فضولی
عشق دردیله اولور عاشق مزاجی مستقیم،
دشمنیم دیر، دوست لار، بو درده درمان ایله ین.
ملا محمد بن سلیمان فضولی
عشق دردی، ای معالج، قابل درمان دئگیل!
جوهریندن ایلمک جسمی جدا آسان دئگیل!
ملا محمد بن سلیمان فضولی
عشق دردی نین دواسی قابل درمان دئگیل،
ترک جان دئرلر بو دردین معتبر درمانینه.
ملا محمد بن سلیمان فضولی
عشق جانان هر کیمین جانیندا کیم تاثیر ائدر،
جانینی جانانینا قوربان قیلماسا تقصیر ائدر.
مظفرالدین جهان شاه - حقیقی
عشق تک گئتمکده صوبح وصل بی آرام اولور،
سیل تک گلمکده ائیلر شام هیجران اضطراب.
علیجان قوسی تبریزی
عشق ترکی، دل و جاندان گؤرونوردو مشکل،
ترک عشق ایله دئدین، ترک دل و جان ائتدیم.
ملا محمد بن سلیمان فضولی
عشق آفت جان اولدیغون اوندان بیلیرم کیم،
هر کیمسه کی، عاشق دیر، ایشی آه و فغان دیر!
ملا محمد بن سلیمان فضولی
عشق ایله سالمیش ایدی عالمه مجنون صدا،
اونو دیوانلیگیم ایندی صدادن سالدی.
سید عظیم شیروانی
عشق ایچره، کؤنول، دئمه کی، من بیخودم، آنجاق،
ای غافل، اؤزوندن سنین آنجاق خبرین وار؟
ملا محمد بن سلیمان فضولی
عشق ایچره منه رونق بازار پوزولدو،
اول یوسفی بیر غیر خریدارایله گؤردوم.
سید عظیم شیروانی
عشق اوخیرلر آدینی راه-حقیقتده سنین،
عشق ایله شئیدا ایمیشسن، یا علی، سندن مدد.
شاه اسماعیل صفوی - خطایی
عشق اهلینه اول ماه، فضولی، نظر ائتمیش،
سن هم، اؤزونی گؤستر اگر بیر هنرین وار.
ملا محمد بن سلیمان فضولی
عشق اهلین آتش هجرانه ائیلرسن کباب،
دؤنه دؤنه امتحان ائتدیم، بودور عادت سانا.
ملا محمد بن سلیمان فضولی
عشق اهلی عاشیق ایستر جملۀ احبابینی –
کیم، سمندر میزبان اولسا قوناغین یاندیریر.
علیجان قوسی تبریزی
عشق اهلی اولدو هر بیری بیر جانه مشتری،
پروانه اولدو شمع شبستانه مشتری.
سید عظیم شیروانی
عشق ارباب ریادن زایل ائتمیش مهریمی،
فقر اسباب علایقدن گؤتورموش رغبتیم.
ملا محمد بن سلیمان فضولی
عزیزیم، گؤز یاشیم قاندیر، ایشیم فریاد و افغاندیر،
او یاریم هاردا مهماندیر، نه اوچون گلمز، نه اوچون گلمز؟
خورشید بانو ناتوان
عزیزلریمین تئهرانداکی قبری باشیندا
اؤلمه‌دیم ائی تانری چوخ شۆکور سنه،
بالاش آبی زاده - آذر اوغلو
عزیز عالم ایکن دلفکار سیّد تک
ائدیبدی خوار بئله گردش زمانه منی.
سید عظیم شیروانی
عزیز عالم ایدی ناتوان وصالینده،
چکیب مذلت هیجرانه، خوار ائدن سن ایدین!
خورشید بانو ناتوان
عزم کویینده کؤنول یارلیق ایستر بیزدن،
الیمیزدن نه گلیر خیر دعادن غیری.
ملا محمد بن سلیمان فضولی
عزم چرخ ائتدی مسیحا کی، بولا معراجین،
یئتمه‌دی منزل مقصوده طریق طلبی.
ملا محمد بن سلیمان فضولی
عزم باغ ایلمیش اول سرو روان، ای گل لر،
بیر نثار ائده گؤرون، جمیع ییغیلین، دریلین.
ملا محمد بن سلیمان فضولی
عزتیم شمعی منور، طالعییم عزمی قوی،
دولتیم حکمی روان، عیشیم ائوی معمُور ایدی.
ملا محمد بن سلیمان فضولی
عزت و شوکت ایله اول بت فرزانه گلیر
قیل تماشا گوزوم اول سرو خرامانه گلیر
حئیران خانیم
عریان گورنده قارداشینی دخت بوتراب
یوز توتدی آفتابه طرف ائیله‌دی خطاب
سیدرضا حسینی - سعدی زمان
عرفانا چاتماسا شعر و ادب ابقا اولماز
من ده عرفانه چاتیب شعریمی ابقا ائله‌دیم
محمد حسین بهجت - شهریار
عرضه یازدیم من سانا، ائی شاه-خوبانیم، مدد.
عرض-حالیم سن بیلورسن، دین و ایمانیم، مدد.
شاه اسماعیل صفوی - خطایی
عرض رخسار ائیله دین گولشنده، ای گول بولبوله،
بولبولو گولزار عشقینده پشیمان ائیله دین.
سید عظیم شیروانی
عرض رخسار ائت بو گون، ای مه، گوم اولسون گؤیده گون،
اؤیله کیم انجم اولور، گون عرض رخسار ایلگج.
ملا محمد بن سلیمان فضولی
عرض حالیمدی سنه سوز دل زاریمدان
گؤزلریمدن تؤکولوب قانلی آخان یاش سنه.
سید عظیم شیروانی
عرصه تنگ اولدو سپاهه، سیندی صفلر قاچدی اعدا
آلدی تا نهر فراتی فارس میدان هیجا
سیدرضا حسینی - سعدی زمان
عرشین سبب خلقتین آغوشه آلوبسان
ای کرب و بلانین یری سن کوه مناسن؟
سیدرضا حسینی - سعدی زمان
عرشله فرش و کاف و نون، منده بولوندو جمله چون،
کس سؤزونووو ابصم اول، شرح و بیانه سیغمازام
عمادالدین نسیمی
عذار یاریم آرا فوج خطدی، یا بیلمم،
سپاه روس توتوب ملک آل عثمانی؟!
سید عظیم شیروانی
عذار و لبین وصفین ائیلر فضولی،
اونا هم مفسر دئرم، هم محدث.
ملا محمد بن سلیمان فضولی
عذار آلینه باخدیقجا قان اولور دیللر،
ایلاهی، حقدن آشیب موحنت بلاسی گولون.
خورشید بانو ناتوان
عذابیندان دانیشماغی...
بیر پرده‌یه کؤکلنمیشدی اونون قلبی -
بختیار وهاب‌زاده
عذابلاردا من اؤزومم،
من کؤنلومون اؤز سسی‌یم،
بختیار وهاب‌زاده
عدم معموره سینده راحت ایکن عین وحدتله،
دوشوب عین زواله عالم کسرتده هست اولدوم.
سید عظیم شیروانی
عجب کی، مرهم کافور وصل ایلن بیتسین،
بو نؤوع کیم، جیگریم باشی یاره دیر سنسیز.
علیجان قوسی تبریزی
عجب دگیلمی کیم اول قدرت جمیل الله،
سحاب سُنبلی آفتاب ناره قیلور؟
مظفرالدین جهان شاه - حقیقی
عجب دگیلمی که اول آفتاب نیرین؟
جمالی بدره مناسب، قاشی هلال اولدو؟
مظفرالدین جهان شاه - حقیقی
عتاب و ناز ایله یاخدی حقیقی]نی[ یاری،
اول اهل نازایله ناز و عتابه دوشدو کؤنول
مظفرالدین جهان شاه - حقیقی
عبیر و مشک و عنبر تک ریاحین دن چمن دولدو
سحرده طعن ائدر ساچون نسین مشک تاتاره
عمادالدین نسیمی
عبادت حسرتی کؤنلومده میدان توزلادان چاغدا
اولور کؤنلوم محل سجده قارشیمدا نماز اوینور
حمیده رئیس‌زاده - سحر خانیم
عالمین درد و غمیندن خبریم یوخ، سیّد،
من کی، میخانه نی ایللردی پناه ائیله‌میشم.
سید عظیم شیروانی
عالمی شیدا قیلیر، گر اولسا گؤزدن هم نهان،
بیر پریوش کیم، سر زلفون صبادن ساخلاماز.
ملا محمد بن سلیمان فضولی
عالمی بیر سئیریم یۆز حئیرتیمدیر.
من حئیران اولماسام یازا بیلمرم
بختیار وهاب‌زاده
عالمده یوخدور بیر اوندان اؤزگه،
احول دئگیلسن بیر گؤرسن آنی.
سید عظیم شیروانی
عالمده شاه حسن سنی قیلدی چون اله،
خوبان اولدو صورت رحمانینا طفیل.
مظفرالدین جهان شاه - حقیقی
عالمده بیر گون اولمادی کی، وصل یارایله
بیر کام دل آلام فلک کج مداردن.
سید عظیم شیروانی
عالمده بو گون عاشیق خونین جیگر آزدیر –
کیم، خون جیگر قدری بیلن سیمیبر آزدیر.
علیجان قوسی تبریزی
عالم فانییه ال ورما کی، یوخدور ثمری،
ائیله‌مه هیچ طلب ملک بقادن غیری.
سید عظیم شیروانی
عالم غدّاری چون دارالفنا بیلدی کؤنول،
دعوی منصور اناالحقدن سر داریندادیر.
مظفرالدین جهان شاه - حقیقی
عالم پیر و جاوان اولدو موقیید رنگ ایله،
اول سبب دن دیر اولوب، ای دوست، اسما مختلیف.
سید عظیم شیروانی
عالم اولدی شاد سندن، من اسیر غم هنوز،
عالم ائتدی ترک غم، منده غم عالم هنوز.
ملا محمد بن سلیمان فضولی
عالم اهلینده وفا بؤلگوسو یوخدور دئدیلر.
عالمی عالمین اهلیله بوراخديم، گلدیم
حمیده رئیس‌زاده - سحر خانیم
عالم السرین بیانیندان خبر وئرمز فقیه،
زاهد رزاقه قارشی ناله‌ی تزویر ائدر.
مظفرالدین جهان شاه - حقیقی
عالم ارواحه نطقون رهبر اولدو تا ابد،
نفخه‌ی روح القدس گؤر نه برهاندیر یئنه!
مظفرالدین جهان شاه - حقیقی
عاقیل آیدیر: – ائی خطایی، ایختیار الدن قوما،
عاشیقم بیر درد الینده، ایختیاریم یوخدورور.
شاه اسماعیل صفوی - خطایی
عاقبت رسوا اولوب من تک، دوشر ائل آغیزینا،
کیم کی، بیر سرمست ساقی لعل خندانین سئور.
ملا محمد بن سلیمان فضولی
عاقبت بیر گوشه ایچره گلمیشم افغانه من.
عشق رۆخسارین‌دا بیر دم وصلیله شاد اولمادیم،
خورشید بانو ناتوان
عاشیقین یانماقدان اؤزگه دردینه درمانی یوخ،
یانماغا پروانه بولسون شمعی-رۆخسار ایسته‌ین.
حبیبی
عاشیقین مئیداندا باشی توپ یئرینه چالینور،
باشینی مئیدانا قویماز، کیم کی، سردار اولماسا.
شاه اسماعیل صفوی - خطایی
عاشیقین زنجیری تار زولف و کاکیل دن گرک،
ریشتۀ زوناری دن «صنعان» نه ایستر بیلمنم؟
علیجان قوسی تبریزی
عاشیقین جنات عدنی چون جمالون وصلیدیر
ای شراب کوثریم گئتمز خماریم هارداسان
عمادالدین نسیمی
عاشیقی-صادق اودور معشوقونون
یولونا جان ترک ائده، سرباز اولا.
حبیبی
عاشیقه صوبح اومیدو شام هیجران دیر خیال،
بولبول مهجوره هم گول، هم گولوستان دیر خیال.
علیجان قوسی تبریزی
عاشیقم، عاشیقم نگاره قسم،
او سیه چشم پرخماره قسم.
سید عظیم شیروانی
عاشیقم من، دؤولت و مال و منالی نئیلرم،
برگ و بردن یومموشام گؤز، شاخ و بالی نئیله رم؟
علیجان قوسی تبریزی
عاشیقدورور یاناغینا زۆلفین خطایی تک،
آندان دۆشر بو وجهیله بو پیچ و تاب آنا.
شاه اسماعیل صفوی - خطایی
عاشیقا، جؤور و جفا و درد و غم،
ذؤق و شادی، حۆسنو-خۆلق و ناز اولا.
حبیبی
عاشیق یانیندا زردن آرتیقدی قیمتین،
ای تاس، تا کی، دگدی سنه یارین اللری.
سید عظیم شیروانی
عاشیق پاکیزه گؤوهر سینه سینده خون دیل،
گیزلنیر، گر پردۀ مینادا صهبا گیزلنیر.
علیجان قوسی تبریزی
عاشیق آندا نئجه تؤبه ائده کیم،
آب و سبزه، شاهید و مئی ساز اولا.
حبیبی
عاشیق ایسن گل برو کیم، جان-جانان منده‌دیر،
زاهیدا، سن خانداسان کیم، نور-ایمان منده‌دیر.
شاه اسماعیل صفوی - خطایی
عاشیق اولوب دهانوه حلقۀ ”میم”ه دؤنموشم،
زلفوه اشتیاق ایله صورت ”دال”ه دوشموشم.
سید عظیم شیروانی
عاشیق اولدور جانو دیلدن درد قؽلدی ایختیار،
دردینه درمان بولدو دردی تکرار ایسته‌ین.
حبیبی
عاشیق اولالی سانا خطایی
بالاینا مۆبتلادیر، ائی دوست.
شاه اسماعیل صفوی - خطایی
عاشیق اول پرتو رخسارۀ شمس ازه له،
تا کی سن گؤرمه یه سن نورو ضیادن غیری.
سید عظیم شیروانی
عاشیق اودور کی، دعوی ائدرسه سؤزونه،
قانلی یاشیله چؤهره‌ی-زردی گۆواه اولا.
شاه اسماعیل صفوی - خطایی
عاشقین باغ و گولستانی اوزون گلزاریدیر
هانسی گولزارین گولی گول سوز گولیستان اولدی گل
عمادالدین نسیمی
عاشقی رسوا گؤروب، منع ائتمه، ای ناصح، منی،
منکر تقدیر آثار الهی اولماغیل.
ملا محمد بن سلیمان فضولی
عاشق‌لرین ایچینده ساز چالان عاشق
قالان-قالان
حمیده رئیس‌زاده - سحر خانیم
عاشق و معشوق همه جابجا
بیر – بیرینه مونس و هم مهربان
حئیران خانیم
عاشق قانینی وسمه لو قاشون نهان ایچر
جوهرلو تیغ قین آرا، پیوسته قان ایچر
میرزا محمد علی صائب تبریزی
عاشق صادق دیر، اظهار غم ائیلر هر سحر،
آه ایله خلقی یوخوسوندان قیلیر بیدار صبح.
ملا محمد بن سلیمان فضولی
عاشق صادق بیلور سنگ ملامت قدرینی
مخزن سلطانه لایقدر بویارار داشلار
میرزا محمد علی صائب تبریزی
عاشق ایسن رند و رسوالیقدان اکراه ائتمه کیم،
عشق سرّین اقتضای دور پنهان ایستمز.
ملا محمد بن سلیمان فضولی
عاشق اولماق سنه، بسدیر بیزه برهان جنون،
اهل عقل حسنه مقید اولا بیلمز مطلق.
ملا محمد بن سلیمان فضولی
عاشق اولدیم یئنه بیر تازه گل رعنایه
کی، سالیر آل ایله هر دم منی یوز غوغایه.
ملا محمد بن سلیمان فضولی
عاشق اولدیر کیم، قیلیر جانین فدا جانانینه،
میل جانان ائتمه سین هر کیم کی، قییماز جانینه.
ملا محمد بن سلیمان فضولی
عاشق اولدیر کیم، تمنای بلای عشق ائده،
یوخسا چوخدور مهر ائدن اول ماه تاباندان طمع.
ملا محمد بن سلیمان فضولی
عاریضین باغیندا زۆلفین تارینه بند ائیله‌گیل،
ایستر ایسن ناله‌ی-بۆلبولدن اولماق بهره‌مند.
شاه اسماعیل صفوی - خطایی
عارف گؤزونده وحدتدی کسرت،
کسرتده سئیر ائت ذات خدانی.
سید عظیم شیروانی
عارف دگیل اول که قیلدی دائم،
بو دنیا و ملک و ماله تحسین.
مظفرالدین جهان شاه - حقیقی
عارف اول، سودای عشق انکارین ائتمه، ای حکیم
کیم، وجود خلقدن آنجاق بو سئودا دیر غرض.
ملا محمد بن سلیمان فضولی
عارضین گؤرمک حیاتیم تازه ائیلر، وه نه عیب،
گر گدا وجه معاشین قیلسا سلطاندان طمع.
ملا محمد بن سلیمان فضولی
عارضین گؤرسه فلک، مهر بوراخماز آیه،
ذره ذره قیلیب اونی بوراخار صحرایه.
ملا محمد بن سلیمان فضولی
عارضین گل گل ائدیب دیر مئی گلگون تابی،
وه کی، بیر گل دن آچیلمیش نئچه گلزار سانا.
ملا محمد بن سلیمان فضولی
عارضین دورونده جمعیتدن اولسون نا امید
اولمایان آشفتۀ زلف پریشانین سنین.
ملا محمد بن سلیمان فضولی
عارضین جوهردیر، اول جوهر یانیندا گون ارز،
هانی افلاتون کی، فرق ائتسین ارزدن جوهری.
سید عظیم شیروانی
عارضین اوزره خم زلفون انیب، دون تا سحر،
دولانیردیم هر طرف اودلاره دوشموش مار تک.
ملا محمد بن سلیمان فضولی
عارض یاریمی، ای صانع آفاق، مگر
قرو انبیق محو مهرایله تقطیر ائتدین؟
سید عظیم شیروانی
عارض جانان ایله بحث کمال حسن ائدر،
دل اوجوندان دیر کی، هر ساعت دوشر نقصانه شمع.
ملا محمد بن سلیمان فضولی
عارض آلده دیر خال سیاهی، الحق،
خط میشکین نئجه کیم لالۀ نعمانه دوشوب.
فاطما خانیم کمینه
عار قتلیمدن سنه، من تشنه آب تیغینه،
اؤلدورر حسرت گر اؤلدورمزسن، ای قاتل، منی.
ملا محمد بن سلیمان فضولی
عادیجه بیر اینسان دئییل،
بو وطنه،
اصل وطنداش اولاق!
بختیار وهاب‌زاده
عادی بیر میلچگه قؽیماییب، آنجاق
بعضاً اؤزونوزو اؤلدوردونوز سیز.
بختیار وهاب‌زاده
عادی بیر اوشاق دا آلدادار سیزی –
خیال دۆنیاسیندا یاشادینیز سیز.
بختیار وهاب‌زاده
عادت ائتمک خوش دئگیل بیداده، رحم ائت، تانری یچون،
گاهی اولسان مایل بیداد، گاهی اولماغیل.
ملا محمد بن سلیمان فضولی
عاجیز اولما، ائی کؤنول، مۆنکیر گرکمز اهل-دیل،
حق‌تعالی بویروغودور مور الینده اژدها.
شاه اسماعیل صفوی - خطایی
عاجز اولموش ییخماغا آه ایله کوهی کوهکن،
نئیله سین مسکین، اونون عشقی هم اول مقدار ایمیش.
ملا محمد بن سلیمان فضولی
عابد کی، ائدیر جنّت ایله کوثره رغبت،
میخانه ایله بادۀ گولناری بیلیرمی؟
سید عظیم شیروانی